તેલ ટેન્કરો પર હુમલાને લઇને ઇરાન અને પશ્ચિમી દેશો ફરી એક વાર આમને સામને આવ્યા છે. બ્રિટને ઇરાનની ગનબોટો દ્વારા બ્રિટિશ સુપર ટેન્કરને નિશાન બનાવ્યા બાદ વધેલા તણાવની વચ્ચે શુક્રવારે કહેવાયું હતું કે ખાડીમાં બીજા યુદ્ધ જહાજ મોકલી રહ્યું છે અને ક્ષેત્રમાં પોતાની સુરક્ષાનું સ્તર વધારી રહ્યું છે.
આ નિર્ણયનો ખુલાસો અમેરિકી રાષ્ટ્રપતિ ડોનાલ્ડ ટ્રમ્પ તરફથી ઇસ્લામિક ગણરાજ્યના પરમાણુ કાર્યક્રમ અને પશ્ચિમી એરિયામાં આતંકવાદીઓ સમૂહો માટે તેમના સમર્થનને લઇને તેની વિરુદ્ધ શાબ્દિક યુદ્ધ તેજ કર્યા બાદ થયો છે.
આ બધાની વચ્ચે અમેરિકી રાષ્ટ્રપતિ ડોનાલ્ડ ટ્રમ્પે એક વાર ફરી ઇરાનનેે પોતાની હદમાં રહેવાની ધમકી આપી છે. ટ્રમ્પે વ્હાઇટ હાઉસની બહાર સંવાદદાતાઓને કહ્યું કે બહેતર એ રહેશે કે ઇરાન સતર્ક રહે. તે અત્યંત ખતરનાક સીમા તરફ આગળ વધી રહ્યું છે.
ઇરાન જો સાંભળી રહ્યું હોય તો સારું એ જ રહેશે કે તમે સાવધાન રહો. બ્રિટીશ અધિકારીઓએ કહ્યું કે નૌસેનાની તહેનાતી પૂર્વ નિયોજિત કાર્યક્રમનો એક ભાગ છે અને વિશ્વના અત્યંત મહત્ત્વપૂર્ણ પરંતુ અસ્થિર તેલ નૌવહન માર્ગોમાંથી એકમા બ્રિટિશ નૌસેનાની હાજરી નકકી કરવા માટે છે, પરંતુ એક સૂત્રએ કહ્યું કે આ બદલાવ પર ઘણા દિવસો પહેલાં વિચાર કરાયો હતો અને બ્રિટનના બે સૌથી ઉન્નત યુદ્ધ જહાજ ઇરાનના જળક્ષેત્રમાં ઘણાં અઠવાડિયાઓ સુધી હાજર રહેશે.