દિવાળીના દિવસોમાં 'મૂડી કરતા વ્યાજ વહાલું' કરતો ASI રાજેશ ચૌધરી રૂપિયા 10 હજારની લાંચ લેતા ઝડપાયો છે, મોટર સાયકલ છોડાવવા માટેના અભિપ્રાય માટે માંગી હતી રકમ
સુરતમાં કડોદરા પોલીસનો ASI લાંચમાં
ACBએ ટ્રેપ કરી લાંચ લેતા ઝડપી લીધો
રૂપિયા 10 હજારની માંગી હતી લાંચ
દિવાળીના તહેવારોમાં મોટા-મોટા અધિકારીઓની પણ દાઢ દળકતી હોય છે કે, ક્યા કેસમાં કોણે ફસાવીને નાણા ઓકાવી શકાય.ગુજરાતમાં છેલા પખવાડીયામાં પંચાયતના સરપંચથી માંડીને અન્ય સરકારી અધિકારીઓ ACBની ટ્રેપમાં ફસાઈ ચુક્યા છે. આવા જ એક કેસમાં સુરત ગ્રામ્ય વિભાગમાં ACBએ ટ્રેપને સફળ બનાવતા એક પોલીસકર્મીને ઝડપી લીધો છે.
અભિપ્રાય બદલ 10 હજાર
સુરતના કડોદરા પોલીસ મથકમાં ફરજ બજાવતો ASI રાજેશ ચૌધરી ACBનાં લાંચના છટકામાં ઝડપાઈ ગયો હતો. દિવાળીના દિવસોમાં 'મૂડી કરતા વ્યાજ વહાલું' કરતો રાજેશ ચૌધરી રૂપિયા 10 હજારની લાંચ લેતા ઝડપાયો છે. ફરિયાદીએ, મોટર સાયકલ છોડાવવા માટેના અભિપ્રાય માટે રૂપિયા 10 હજારની લાંચ માંગી હોવાની રાવ કરી હતી. કડોદરા પોલીસ મથકના રાઈટરની ઓફિસમાંથી ASI રાજેશ ચૌધરીની ACBએ રંગેહાથ ધરપકડ કરી હતી.
પીપલોદનો તલાટી પણ ઝડપાયો હતો
દેશ અને રાજ્યમાં ભ્રષ્ટચાર એટલી હદે વ્યાપી ગયો છે કે સરકારી સેવાઓ સાથે કર્મચારીઓ લાંચ લેવાના અનેકવાર કિસ્સાઓ સામે આવતા હોય છે, અને તેમના વીડિયો પણ વાયરલ થતા હોય છે ત્યારે દેવગઢ બારિયામાં એક તલાટી દ્વારા 305 રૂપિયાની લાંચ લેવાની ઘટના સામે આવી છે. પીપલોદ ગામે ગ્રામ પંચાયત કચેરીમાં તલાટી લાંચ લેતા ઝડપાઈ જતા લાંચિયા કર્મચારીઓમાં ફફડાટ વ્યાપી ગયો છે.
રાજેન્દ્ર પટેલ રૂ.305ની લાંચ લેતા ઝડપાયો
આ તલાટીએ મકાનના વેરાની પાવતી આપવા માટે 500 રૂપિયાની માગણી કરી હતી પરતું અંતે 300 રૂપિયા સ્વીકારવા માટે તૈયાર થયો હતો પરતું રૂપિયા 300માં વધુ જે પણ રાજીખુશીથી આપો એમ કહીને લાંચિયા તલાટીએ વેરાની પાવતી માટે લાંચ માંગતા, સમગ્ર મામલે ACBમાં જાણ કરવામાં આવી હતી જે બાદ ACBએ છટકું ગોંઠવીને આ તલાટીનો પર્દાફાશ કર્યો હતો.
મકાન વેરાની પાવતી આપવા માગ હતી લાંચ
દેવગઢ બારિયાના પીપલોદ ગામે રાજેન્દ્ર પટેલે મકાનના વેરા માટે 500 રૂપિયાની લાંચ માંગતા અરજદારે એસીબીમાં ફોન કરીને જાણ કરી હતી, અને સમગ્ર મામલે એસીબી પોલીસ મથક ગોધરામાં ફરિયાદ નોંધાવી હતી, જે બાદ ACBએ છટકુ ગોઠવીને તલાટીને રંગેહાથે ઝડપી લીધો હતો અને આગળની કાર્યવાહી હાથ ધરી હતી, ACBની આ કાર્યવાહીથી લાંચિયા કર્મચારીઓમાં ફફડાટ વ્યાપી ગયો છે.