- કર્ણાટકમાં બોમ્મઈનો પ્રયોગ ફેઈલ, UPમાં યોગીનો દબદબો યથાવત
- બોમ્મઈ અને યોગીની રાજનૈતિક વિચારસરણીમાં જોવા મળ્યો તફાવત
- હાર મેળવ્યાં બાદ BJPએ બદલવી પડી શકે છે રણનીતિ
22 મહિના પહેલાં બોમ્મઈનાં હાથમાં કર્ણાટકની કમાન BJPએ સોંપી હતી. 2023ની ચૂંટણીમાં પણ BJP ગુજરાત જેવા ચમત્કારની આશા રાખી રહી હતી પરંતુ આજે પરિણામો આવતાં સ્પષ્ટ થઈ ગયું કે દક્ષિણનાં દ્વાર BJPનાં હાથથી સરકી ગયાં છે. પરિણામોથી સ્પષ્ટ થાય છે કે ભાજપનું નેતૃત્વ કર્ણાટકમાં નબળું રહ્યું અને રણનીતિ નુક્સાનકારક સાબિત થઈ. જ્યારે UPનાં સ્થાનીક સ્વરાજ્યની ચૂંટણીનાં પરિણામો પણ આજે જાહેર થયાં છે ત્યારે યોગીજીએ વિજય મેળવ્યો છે.
ભાજપનું આંતરિક યુદ્ધ ભારે પડ્યું!
BJPએ કર્ણાટકમાં યેદિયુરપ્પાનાં હાથમાંથી સત્તા લઈને બોમ્મઈનાં હાથમાં સોંપી પરંતુ એકતાની જગ્યાએ પાર્ટીમાં આંતરિક વિવાદો વધવા લાગ્યાં. લિંગાયત નેતા જગદીશ શેટ્ટાર જેવા મોટા ખ્યાતનામ નેતાએ પાર્ટીનો સાથ છોડ્યો. આ સિવાય ટિકીટની વહેંચણીમાં પણ અસંતોષનો માહોલ જોવા મળ્યો હતો. તો બીજી તરફ કોંગ્રેસ ભ્રષ્ટાચારનાં મુદાઓને ઊઠાવવા લાગી અને બોમ્મઈ સરકાર મજબૂતીથી આ મુદાઓનો સામનો ન કરી શકી.
UPમાં સપાનો સફાયો
તો ઉત્તરપ્રદેશની સ્થાનિક સ્વરાજ્યની ચૂંટણીમાં કર્ણાટકથી અલગ જ પરિણામો સામે આવ્યાં. BJP રાજ્યની તમામ 17 મેયરની ચૂંટણીમાં વિજેતા બની. અતીક અહમદ લાઈવ મર્ડર બાદ સમાજવાદી પાર્ટીએ મુસ્લિમ વોટોને લલચાવા માટે અનેક રણનીતિ રમી. પરંતુ પરિણામોથી બધું જ સ્પષ્ટ થયું કે અખિલેશ યાદવનો દાવ યોગીજી સામે ન ચાલી શક્યો.
ભાજપે બદલવી પડી શકે છે પોતાની રણનીતિ
ભાજપે 2 રાજ્યોનાં પરિણામોથી સ્પષ્ટ છે કે મધ્યપ્રદેશ, છત્તીસગઢ, રાજસ્થાન, તેલંગાણા જેવા મહત્વનાં વિધાનસભાની ચૂંટણી માટે ખાસ રણનીતિ બનાવવાના આવશ્યકતા રહેશે. કારણકે 2023ની લોકસભા ચૂંટણી પહેલા ભાજપની મોટી પરીક્ષા થઈ શકે છે. જેમાં છત્તીસગઢ અને રાજસ્થાનમાં કોંગ્રેસની સરકાર છે તો તેલંગાણામાં TRSની સરકાર છે. મધ્યપ્રદેશમાં ભાજપની સરકાર છે.
