ન્યૂ દિલ્હીઃ એક સ્ટિંગ ઓપરેશન અનુસાર જેકી શ્રોફ કૈલાશ ખેર સોનુ સુદ અને વિવેક ઓબેરોય સહિત 30થી પણ વધારે બોલિવુડ સ્ટાર્સ લોકો પૈસાને બદલે સોશિયલ મીડિયાનાં મંચ પર પાર્ટીઓનાં એજન્ડાને પ્રોત્સાહન આપવા માટે કથિત રીતે સહમત થતા પ્રતીત થઇ રહેલ છે. ઓનલાઇન પોર્ટલ 'કોબરા પોસ્ટ'એ આ સ્ટિંગ કરવાનો મંગળવારનાં રોજ દાવો કર્યો.
કોબરા પોસ્ટનું ઓપરેશન 'કરાઓકે'માં સંવાદદાતાઓને એક જનસંપર્ક કંપનીનાં પ્રતિનિધિઓનાં રૂપમાં રજૂ કરવામાં આવ્યાં હતાં અને આગામી લોકસભા ચૂંટણી પહેલાં કથિત રીતે એક કરાર માટે અભિનેતાઓ ગાયકો ડાન્સરો અને ટીવી કલાકારો તેઓનાં મેનેજરનાં માધ્યમથી મુલાકાત કરી હતી.
કોબરા પોસ્ટનાં પ્રધાન સંપાદકે જણાવ્યું કે આ સ્ટિંગ અંદાજે 36 હસ્તીઓ સાથે સંબંધિત છે કે જે ચૂંટણી પહેલાં ખાસ રાજનૈતિક દળો માટે અનુકુળ વાતાવરણ બનાવવામાં મદદ માટે પોતાનાં ફેસબુક ટ્વિટર અને ઇન્સ્ટાગ્રામ એકાઉન્ટ પર સંદેશ પોસ્ટ કરવા માટે સહમત થયાં છે. તેઓએ જણાવ્યું કે હસ્તીઓ ટીવી અને ફિલ્મનાં કલાકારો છે.
તેઓએ એવો આરોપ લગાવ્યો કે આ કલાકારોએ સોશિયલ મીડિયા પેજ પર પોસ્ટ કરવા માટે તેઓને ઉપલબ્ધ કરાવેલ સામગ્રી પોસ્ટ કરવા પર સહમતિ વ્યક્ત કરી. બહલે જણાવ્યું કે તેઓ બળાત્કાર જેવાં મુદ્દાઓ અને પુલ પડવા જેવી ઘાતક દુર્ઘટનાઓ પર પણ સરકારનો બચાવ કરતાં. તે લોકો એક ડમી અનુબંધ પર હસ્તાક્ષર કરવા માટે તૈયાર હતાં.
કોબરા પોસ્ટ અનુસાર મોટે ભાગે આવા મામલાઓમાં વિચારાધીન પાર્ટી ભાજપ અને આમ આદમી પાર્ટી તથા કેટલાંક મામલાઓમાં કોંગ્રેસ હતી. તેઓએ એવો દાવો કર્યો છે કે અનેક હસ્તીઓએ પોતાનાં પાન નંબર અને બેંકિંગ વિગતો શેર કરવા માટે સહમતિ વ્યક્ત કરી પરંતુ મોટે ભાગનાં લોકોએ રોકડ પર વધારે ભાર આપ્યો.
મીડિયા પોર્ટલે સ્ટિંગમાં પકડવામાં આવેલ અનેક હસ્તીઓનાં વીડિયો સાથે અનેક ટ્વિટ પણ કર્યા છે. કોબરા પોસ્ટ અનુસાર મોટે ભાગે કલાકારોએ પ્રતિ મેસેજ બે લાખ રૂપિયાથી લઇને 50 લાખ રૂપિયા સુધીની ફી માંગી.
ખુલાસો કરી રહ્યાં છે સ્ટાર્સઃ
35થી વધારે બોલીવુડ સેલિબ્રિટીઝે પૈસા લઇને પોતાનાં સોશિયલ મીડિયા પ્લેટફોર્મ પર લોકસભા ચૂંટણીમાં પાર્ટીઓને માટે પ્રચાર કરવાની ઇચ્છા દર્શાવી હતી. આ ખુલાસો વેબસાઇટ કોબરા પોસ્ટે પોતાનાં એક સ્ટિંગમાં કર્યો છે. હવે આ સ્ટિંગ ઓપરેશનમાં નામ અને વીડિયો સામે આવ્યાં બાદ કલાકારાઓએ સપષ્ટીકરણ આપવાનું શરૂ કરી દીધું છે.
પ્રચાર કરીશ તો ખુદ જણાવીશઃ સની લિયોની
સની લિયોનીએ લખ્યું છે કે 'આપ સૌને હું જણાવવા ઇચ્છીશ કે હું કોઇ પણ રાજનૈતિક પાર્ટીને માટે પ્રચાર નથી કરી રહેલ. જે રીતે મારા વિશે સમાચારો ફેલાવાઇ રહ્યાં છે કે હું આવી કરી રહી છું અને જો હું કોઇ રાજનૈતિક પાર્ટીનો પ્રચાર કરીશ તો તેનાં વિશે હું ખુદ જ જણાવીશ. એક આઝાદ નાગરિક થવાને વિશે હું કોઇ પણ વ્યક્તિ સાથે વાતચીત કરી શકું કેમ કે દરરોજનાં અનેક લોકો સાથે અનેક મુદ્દાઓ પર વાત થાય છે. અમે સૌને મળીએ છીએ અને સૌનું સાભળીએ છીએ.
જે પણ ચર્ચાઓ થઇ હતી તે હકીકતમાં તેને ખોટી રીતે બનાવવામાં આવેલ છે અને પ્રચાર પણ કરવામાં આવેલ છે. આને સીધી રીતે તોડી-મરોડીને દેખાડવામાં આવેલ છે. ચર્ચાનાં અસલી વિષય સાથે છેડછાડ કરીને તેને આ રીતે રજૂ કરવામાં આવેલ છે કે જેનો અર્થ જ બદલાઇ ગયો છે. બેકગ્રાઉન્ડ સ્કોરને પણ સેંસેશનલ બનાવવા માટે જોડવામાં આવેલ છે.
એમ અલગ વાત છે કે બ્રાન્ડ્સ રાજનૈતિક પાર્ટીઓ વ્યક્તિગત અને કોર્પોરેટ હાઉસ સેલિબ્રિટીઝનાં સોશિયલ મીડિયા પ્લેટફોર્મનો પ્રયોગ પ્રમોશન માટે કરે છે. આ એવાં કંટેન્ટ હોય છે કે જેમાં સેલિબ્રિટીઝની જવાબદારી વધી જાય છે અને જેનાં પર તેઓ ખુદ વિશ્વાસ કરે છે. પરંતુ કેટલીક જાહેરાતો તો નૈતિક જવાબદારીઓ પર આધારિત હોય છે. આ વીડિયોમાં પણ હું એ જ કહી રહ્યો છું કે હું કોઇ પણ વ્યક્તિનો પ્રચાર નહીં કરું કે જે ખોટું છે અથવા તો સાચું નથી.