- સામાન્ય માણસ તો ઠીક બોલીવુડ સેલિબ્રિટીઓને પણ છે ગજબની આદતો
- કરીના કપૂરને નખ ચાવવાની આદત છે
- તો સુષ્મિતા સેનને ખુલ્લામાં જઇને બાથ લેવાની છે આદત
આ સેલિબ્રિટીઓ ભલે તેના અંગત જીવનને લાઈમલાઈટથી દૂર રાખવામાં સફળ થાય પરંતુ અમે તમને જણાવીશુ તમારા મનપસંદ સ્ટાર્સની અજબ-ગજબ આદત અંગે. શરૂઆત કરીએ બોલીવુડના દબંગ ખાન એટલેકે સલમાન ખાનથી.
સલમાન ખાન
સલમાન ખાનને સાબુ જમા કરવાની ખરાબ આદત છે. તે સાબુના દીવાના છે. એટલું જ નહીં, તેમની પાસે દુનિયાભરના સાબુનુ એક કલેક્શન પણ છે, જેમાં હાથથી બનાવેલા, ડિઝાઈનર અને હર્બલ સોપ સામેલ છે. તેમના મનપસંદ ફળ અને શાકભાજીમાંથી નિકાળવામાં આવેલા સાબુ છે. ઉલ્લેખનીય છે કે, સલમાન ખાન નેપકિન અને ટિશ્યુથી પણ દૂર રહે છે. તે માત્ર એક ખાસ પ્રકારના મલમલનો ઉપયોગ કરે છે.
સુષ્મિતા સેન
તમને સાંભળવામાં થોડુ ગજબ ભલે લાગે. પરંતુ સુષ્મિતાને સાપ પ્રત્યે ખૂબ પ્રેમ છે. એટલું જ નહીં, તેના ઘરમાં એક અજગર પણ પાલતુ પ્રાણીના રૂપમાં છે. આ સિવાય સુષ્મિતાને પોતાની ખુલ્લી છત પર ન્હાવાનુ પણ પસંદ છે જ્યાં તેમણે પોતાનુ બાથ ટબ રાખ્યુ છે.
રાની મુખર્જી
રાની મુખર્જી અંગે આપણે જાણીએ છીએ કે તેઓ એક ચેન-સ્મોકર છે. તેમને સિગરેટની એટલી આદત છે કે તેઓ પોતાની સવારની શરૂઆત પણ કશથી કરે છે.
શાહરૂખ ખાન
શાહરૂખ ખાન જ્યારે તેઓ ખાવાનુ ખાઈ રહ્યાં હોય ત્યારે ક્યારેય પણ તેમને સેલ્ફી લેવાનુ ના પૂછશો. કિંગ ખાનને ભોજન જમતી વખતે ફોટો ખેંચાવવાનુ પસંદ નથી અને તેમને આઈસ્ક્રીમથી પણ ખૂબ નફરત છે. આ ઉપરાંત શાહરૂખ ગેજેટ્સ અને વીડિયો ગેમ્સના દીવાના છે. મન્નતમાં તેમની પાસે ગેમિંગ ગેજેટ્સ માટે એક આખો માળ છે અને તેઓ પોતાના મિત્રોને સ્પર્ધા માટે પણ બોલાવે છે.
