શૈક્ષણિક ક્ષમતાઓ ન હોવાને કારણે કેટલાક યુવાનો પૈસાના જોરે બનાવટી ડિગ્રીઓ વહેંચતી લેતા હોય છે,આવા જ એક બોગસ ડિગ્રીઓ નો કાળા કારોબાર પર સ્પેશ્યલ ઓપરેશન ગ્રુપે સપાટો બોલાવી ત્રણ આરોપીની ધર પકડ કરી છે. જોકે પ્રશ્ન એ છે કે કેટલાય લોકો આવી ફેક ડિગ્રીથી ઉંચી ઉંચી પોસ્ટ પર નોકરી કરતાં હોવાની શંકા સેવાઈ રહી છે.
બોગસ સર્ટિફિકેટ મેળવનારા 1 આરોપીને વોન્ટેડ જાહેર કર્યો
સમાજના ઉત્તમ નાગરિક બનવા માં પાયાના શિક્ષણ નું મહત્વનું યોગદાન રહેલું છે ઉચ્ચ શિક્ષણ મેળવીને ભારત દેશમાં અનેક છેવાડા ના લોકોએ ઉચ્ચ પદની શોભા વધારી છે પણ કેટલાક યુવાનો શોર્ટકટ અપનાવીને વગર શિક્ષણ મેળવીને ડિગ્રીઓ હાંસલ કરવાના સપના સેવતા હોય છે અને બોગસ ડિગ્રીઓ મેળવીને ઉચ્ચ પદ પર બિરાજે છે આવા અનેક બોગસ ડિગ્રીઓના કૌભાંડનો પર્દાફાશ અવારનવાર થતો જ રહે છે જે પૈકી નવસારીમાં પણ કંઈક આવો જ બનાવ સામે આવ્યો છે વાત કંઈ કેમ છે કે શહેરના તરોટા બજાર વિસ્તારમાં આવેલા પિંકી એપાર્ટમેન્ટમાં ટ્વિનકલ ગ્રાફિકસ નામની દુકાનમાં કંકોત્રી છાપવાની આડમાં ચાલતા બોગસ સર્ટિફિકેટના કાળા કારોબાર નો પર્દાફાશ થયો છે.
ટ્વિંકલ ગ્રાફિક્સના સંચાલક વિનોદ પટેલની ધરપકડ
ટ્વિંકલ ગ્રાફિક્સ ના સંચાલક વિનોદભાઈ પટેલ કે જેઓ આ.ઈ. ટી.આઈ.અને એન્જિનિયરિંગ ફિલ્ડની બોગસ ડિગ્રી અનેક વર્ષોથી બનાવવાનો કાળો કારોબાર ચલાવે છે તેની બાતમી મળતા એસ.ઓ.જી દ્વારા રેડ કરવામાં આવી હતી જેમાં સંચાલક સહિત ત્રણ ઈસમો પાસેથી 50 બનાવટી સર્ટીફીકેટ અને પ્રિન્ટર, કોમ્પ્યુટર મળી કુલ 1,11000 નો મુદ્દામાલ કબજે કર્યો હતો સાથે જ બોગસ સર્ટિફિકેટ ની ડિમાન્ડ કરનાર એક આરોપીને વોન્ટેડ પણ જાહેર કર્યો છે. સમગ્ર કેસની તપાસ નવસારી ટાઉન પોલીસ દ્વારા થઈ રહી છે
આરોપી
માલિક વિનોદ અમ્બુ પટેલ
ફકીર ઇબ્રાહિમ ભીમલા 45 વર્ષ
મુનાફ મહેબૂબ ટોપીવાલા 31 વર્ષ
જીવન પથ નો દરેક શોર્ટકટ માર્ગ આખરે ધૂળ ચટાડવા ના મહત્તમ અનુભવ કરાવતા હોય છે ખોટા માર્ગે આગળ આવેલા દેશના ભાવિ પેઢી છેવટે દેશની સિસ્ટમ માં સળો બની ને સિસ્ટમ ને ખોખલી કરી દે છે એવુંજ આ રેકેટ રૂપિયા કમાવવા ના જોરે ચાલતું હતું જેને પર્દાફાશ થતા તમામ આરોપી ગુટણીયે પડી ને જાણે પસ્તાવો કરતા હોય એમ દયામણો નકાબ પેહરિયો હોય એવું મુખ બનાવ્યું છે ત્યારે આવા સિસ્ટમ ના કીડા ઓને કડક સજા થાય તો હોનહાર વિદ્યાર્થીઓને ચોક્કસ થી ન્યાય મળી શકે છે