ભાજપે વિરોધીઓને જવાબ આપવા ટ્વિટર પર શેર કર્યો વીડિયો
મુજે ચલતે જાના હૈ ના ટાઈટલ સાથે વીડિયો કર્યો શેર
2024માં આવનારી લોકસભાની ચૂંટણીને લઈને તમામ પક્ષોએ અત્યારથી જ તૈયારીઓનો ધમધમાટ શરૂ કરી દીધો છે આ ચૂંટણીમાં જીત હાંસલ કરવા એક બાજુ વિપક્ષી પાર્ટીઓ એક થવા મથામણ કરી રહી છે. તેવામાં બીજી બાજુ ભાજપે વિરોધીઓને જવાબ આપવા માટે તેના સત્તાવાર ટ્વિટર પર એક વીડિયો શેર કર્યો છે. જે વીડિયો થકી ભાજપ દ્વારા વિપક્ષને જવાબ આપવાનો પ્રયાસ કરાયો છે.
કોંગેસ સામે આકરા પ્રહારો
મુજે ચલતે જાના હૈ ના ટાઈટલ સાથે શેર કરાયેલા વીડિયોમાં શરૂઆતમાં ભારતના વડાપ્રધાન નરેન્દ્ર મોદી દ્વારા તેમના કાર્યકાળ દરમિયાન કરવામાં આવેલા વિકાસકામો અને યોજનાઓની માહિતી આપવામાં આવી રહી છે. વધુમાં કોંગ્રેસના સોનિયા ગાંધી રાહુલ ગાંધી અને મણીશંકર એયર પર પણ નિશાન સાધવામાં આવી રહ્યું છે.
ભાજપની રણનીતિ મહત્વનો ભાગ ભજવશે
મહત્વનું છે કે એક બાજુ લોકસભાની ચૂંટણીને પગલે વિપક્ષના નેતાઓ એક થવા અંગે નિવેદનો આપી રહ્યા છે આવી સ્થિતિ વચ્ચે ભાજપે વિડિયો જાહેર કરી અને રાજકીય આલમમાં સોપો પાડી દીધો છે અને મોદી સરકાર ફરી ત્રીજી વખત એટલે કે 2024 માં સતા પર આવવા તૈયારીમાં જોતરાઈ હોવાનું લાગી રહ્યું છે. હાલની સ્થિતિએ ભાજપ સૌથી વધુ સીટોના લક્ષ્યાંક સાથે જીત મેળવવા આગળ વધી રહી છે ત્યારે ભાજપની રણનીતિ મહત્વનો ભાગ ભજવશે.
સમાચાર પત્રના રિપોર્ટ અનુસાર લોકસભાની ચૂંટણી અગાઉ વડાપ્રધાન નરેન્દ્ર મોદી 100 જેટલી રેલીમા જોડાઇ શકે છે અને પક્ષ માટે મોટી જાહેરાતો પણ કરી શકે છે. વધુમાં મહિલાઓ અને લઘુમતી સમુદાયો સુધી પહોંચવા માટે ઘણી યોજનાઓ પણ લાવી શકે છે. એટલુ જ નહીં 2024ની ચૂંટણીને લઈને ભાજપ દ્વારા બ્લુ પ્રિન્ટ તૈયાર છે.
144 સીટો માટે ખાસ તૈયારી
છેલ્લી લોકસભા ચૂંટણીમાં ભાજપને જે રાજયમાં હારનો સામનો કરવો પડ્યો હતોએ મોટા ભાગના રાજ્યો અને યુપી, બિહાર, પશ્ચિમ બંગાળ, તેલંગાણા, મહારાષ્ટ્ર, પંજાબ, છત્તીસગઢ, તમિલનાડુ સહીત 144 સીટો માટે ખાસ તૈયારી કરી દીધી છે, 144 બેઠકોમાં પાર્ટી બીજા કે ત્રીજા સ્થાને હતી. આ એવી સીટો છે જ્યાં પાર્ટીને આશા છે કે વધુ ધ્યાન કેન્દ્રીય કરવા પર જીત હાંસલ કરી શકે છે. જ્યાં પીએમની મેગા રેલી યોજવાનું પણ આયોજન ઘડી કાઢવામાં આવ્યું છે.જેની તૈયારી ચાલી રહી છે.