મહારાષ્ટ્રમાં સરકાર ગઠનને લઇને હવે ઘણો ઓછો સમય રહ્યો છે. જો કે તેમ છતાં ભાજપ અને શિવસેના વચ્ચે કોઇપણ પ્રકારની સમજૂતિના આસાર જોવા મળી રહ્યાં નથી. શિવસેના ફરી કહ્યું છે કે જનતાની માગ છે કે મહારાષ્ટ્રમાં મુખ્યમંત્રી શિવસેનાનો હોવો જોઇએ. પોતાના ધારાસભ્યોના તૂટવાના ડરને લઇને શિવસેના હવે આક્રમક થઇ ગઇ છે.
શિવેસનાને ડરાવી રહ્યો છે ધારાસભ્યોનો તૂટવાનો ડર
થેલીની ભાષા બોલી રહ્યાં છે કેટલાંક લોકો-સામના
આજ રાજ્યપાલને મળશે ભાજપના નેતા
રાજ્યપાલને મળશે ભાજપના નેતા
મુંબઇમાં આજનો દિવસ રાજકીય ઘટનાક્રમને લઇને ઘણો મહત્વનો જોવામાં આવી રહ્યો છે. ભાજપના નેતા આજે રાજ્યપાલ સાથે મુલાકાત કરશે. ભાજપના નેતા રાજ્યપાલને મળીને સરકાર રચવાનો દાવો રજૂ કરે તેવી શક્યતા છે. બુધવારે ભાજપના ધારાસભ્યે કહ્યું કે હતું સરકારને લઇને જલ્દી જ ખુશખબર સાંભળવા મળશે.
આજે શિવસેનાના ધારાસભ્યોની બેઠક
એક તરફ ભાજપના નેતાઓ રાજ્યપાલને મળવા જઇ રહ્યાં છે તો બીજી તરફ શિવસેનાના પ્રમુખ ઉદ્ધવ ઠાકરેએ બપોરે પાર્ટીના ધારાસભ્યોની બેઠક બોલાવી છે. શિવસેનાને પોતાના ધારાસભ્યો તૂટવાનો ડર લાગી રહ્યો છે. આ બેઠક દ્વારા શિવસેના એકજૂટતા દેખાડવાનો પ્રયત્ન કરશે.
'થેલી'ની ભાષા બોલી રહ્યાં છે કેટલાક લોકો
ધારાસભ્યો તૂટવાના ડરને લઇને શિવસેનાએ નામ લીધા વગર ભાજપ પર નિશાન સાધ્યું છે. શિવસેનાએ પોતાના મુખ પત્ર સામનામાં લખ્યું છે કે કેટલાંક લોકો નવા ધારાસભ્યોનો સંપર્ક કરી 'થેલી' ની ભાષા બોલી રહ્યાં છે અને આવી ફરિયાદો વધી રહી છે. શિવસેનાએ કહ્યું કે ગત સત્તાનો ઉપયોગ આવનારી સત્તા માટે 'થેલી'ની વહેંચણી કરવામાં કરાઇ રહ્યો છે. પરંતુ ખેડૂતોના હાથમાં કોઇ રકમ રાખવા તૈયાર નથી.