હાથમાં તિરંગો લઇને એક શખ્સ ભરેલી સભામાં મંચની સામે આવ્યો અને ઊંચા અવાજે બોલ્યો, 'યોગી આદિત્યનાથને અજય સિંહ કહેવું ભારતીય સંસ્કૃતિનું અપમાન છે, વંદે માતરમ, ભારત માતા કી જય.'
નવી દિલ્હી: કોંગ્રેસની પ્રેસ કૉન્ફરન્સમાં એક ચોંકાવનારી ઘટના બની છે. દિલ્હીમાં બુધવારે આયોજિત આ કાર્યક્રમમાં કોંગ્રેસ પ્રવક્તા પવન ખેડા પોતાની વાત શરૂ કરે, એ પહેલા જ હાથમાં તિરંગો લઇને એક શખ્સ ભરેલી સભામાં મંચની સામે આવ્યો અને ઊંચી અવાજમાં બોલ્યો. બાદમાં આ શખ્સને કાર્યક્રમમાંથી બહાર નિકાળી દેવામાં આવ્યો. અહીંયા જુઓ સમગ્ર વીડિયો...
સભામાં વચ્ચે કૂદનાર આ શખ્સનું નામ નચિકેતા છે જે પશ્વિમ બંગાળનો હોવાનું જણાવાય છે. આ વ્યક્તિએ એવું પણ કહ્યું કે વિદેશી લોકોને ચૂંટણી લડવાની પરવાનગી આપવી જોઇએ નહીં કારણ કે એનાથી રાષ્ટ્રીય સુરક્ષાને જ ખતરો થઇ શકે છે.
#WATCH Delhi: A man interrupts the media briefing by Congress Spokesperson Pawan Khera, shouts "Yogi Adityanath ko Ajay Singh Bisht kehna Bharatiya sanskriti ka apmaan hai, Vande Mataram, Bharat mata ki jai" pic.twitter.com/pRDNd7WKsc
તાજેતરમાં જ ભાજપની પ્રેસ કૉન્ફ્રેન્સમાં આવી જ એક ઘટના થઇ જ્યારે એક શખ્સે ભાજપના વરિષ્ઠ નેતા પર જૂતું ફેંક્યું હતું. ઘટના દિલ્હી સ્થિત ભાજપ ઑફિસની છે જ્યાં જીવીએલ નરસિમ્હા રાવ અને ભૂપેન્દ્ર યાદવ પ્રેસ કૉન્ફ્રેન્સ કરી રહ્યા હતા. અહીંયા વચ્ચે એક અજાણી વ્યક્તિએ નરસિમ્હા રાવની તરફ જૂત્તું ફેંકી દીધું.