રાજનીતિ / પેટાચૂંટણીના પ્રચાર દરમિયાન ધારી બેઠકના ભાજપ અને કોંગ્રેસના ઉમેદવાર આવી ગયા સામસામે અને...

• ધારી બેઠકમાં ભાજપ અને કોગેસનો સાથે પ્રચાર 
• કોગેસના સુરેશ કોટડીયા-ભાજપના જે.વી કાકડીયાનો સાથે પ્રચાર
• પ્રચાર કરતા બન્નેએ એકબીજાને આવકાર્યા

ગુજરાત વિધાનસભાની પેટાચૂંટણી માટે ભાજપે 8 ઉમેદવારોની જાહેરાત કરી નાખી છે. જોકે કોંગ્રેસે 8માંથી હજુ 5 ઉમેદવારોના નામની જ જાહેરાત કરી છે. વિધાનસભાની 3 બેઠકોને લઇને કોંગ્રેસ હજુ મુંઝવણમાં છે. લીંબડી વિધાનસભાની બેઠક પર સામાજિક સમીકરણને લઇને કોંગ્રેસ નિર્ણય નથી લઇ શકતી. તેવામાં અન્ય જાહેર કરાયેલી બેઠકો પર પક્ષો દ્વારા પ્રચાર શરૂ કરી દેવામાં આવ્યો છે. 

ત્યારે ધારી બેઠકમાં ભાજપ અને કોંગ્રેસનો સાથે પ્રચાર જોવા મળ્યો હતો. કોંગ્રેસના ઉમેદવાર સુરેશ કોટડીયા અને ભાજપના ઉમેદવાર જે.વી. કાકડીયાએ સાથે પ્રચાર કર્યો હતો. પ્રચાર દરમિયાન બન્નેએ એક બીજાને આવકાર્યા હતા. 

મહત્વનં છે કે, ધારી બેઠક પરથી કોંગ્રેસના જે.વી કાકડીયાએ રાજીનામું આપી દીધું હતું. વર્ષ 2017માં સુરેશ કોટડીયાની ટીમે જે.વી. કાકડીયાનો ચૂંટણી પ્રચાર કર્યો હતો. જે.વી કાકડીયાએ પક્ષ પલટો કરતા કોંગ્રેસના ઉમેદવાર સુરેશ કોટડીયા છે. જે.વી કાકડીયાનો પ્રચાર કરનાર હવે વિપક્ષમાંથી લડશે. ખાંભા અને બગસરાના ગામોમાં સાથે જ પ્રચાર કર્યો હતો.

કઇ બેઠકો પર યોજાશે ચૂંટણી

રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.

પેટાચૂંટણી માટે ભાજપે જાહેર કરેલા ઉમેદવારોની યાદી

• અબડાસા - પ્રદ્યૂમનસિંહ જાડેજા
• મોરબી - બ્રિજેશ મેરજા
• ધારી - જે.વી.કાકડિયા
• ગઢડા - આત્મારામ પરમાર
• કરજણ - અક્ષય પટેલ
• ડાંગ - વિજય પટેલ
• કપરાડા - જીતુ ચૌધરી
• લીંબડી - કિરીટસિંહ રાણા

પેટાચૂંટણી માટે કોંગ્રેસે જાહેર કરેલા ઉમેદવારોની યાદી 

• ગઢડા : મોહનભાઈ સોલંકી 
• અબડાસા : શાંતિલાલ સંઘાણી
• ધારી : સુરેશ કોટડીયા 
• મોરબી : જયંતિલાલ  પટેલ
• કરજણ : કીર્તિસિંહ જાડેજા

(વિધાનસભાની 3 બેઠકોને લઇને કોંગ્રેસ હજુ મુંઝવણમાં)

ગુજરાત વિધાનસભાની પેટાચૂંટણીની તારીખ જાહેર

8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.

8 MLAએ રાજીનામાં આપતા યોજાશે પેટાચૂંટણી

8 બેઠકો પર ધારાસભ્યોએ રાજીનામાં આપતા પેટાચૂંટણી યોજાશે. અબડાસાથી પ્રદ્યુમનસિંહ જાડેજા, મોરબીમાંથી બ્રિજેશ મેરજા, કપરાડામાંથી અક્ષય પટેલ, ગઢડામાંથી પ્રવીણ મારૂ, ધારીમાંથી જે.વી કાકડીયા, કપરાડામાંથી જિતુ ચૌધરી, ડાંગમાંથી મંગળ ગાવિત અને લીંબડીમાંથી સોમા પટેલનું રાજીનામું પડ્યું હતું.