બિટકોઈન કૌભાંડનો મામલો: CIDએ બિટકોઈન કેસમાં હવાલા રેકેટની તપાસ આદરી

બિટકોઈન કેસની તપાસમાં CID ક્રાઈમને અબજો રૂપિયાના હવાલા રેકેટના દસ્તાવેજો હાથ લાગ્યા છે. CID ક્રાઈમ બિટકોઈ કેસ સાથે સંકળાયેલા તમામ પાત્રોને શંકાસ્પદ રીતે જોઈ રહી છે.

આ સાથે જ CID ક્રાઈમેં હવાલા રેકેટમાં કોની શું ભૂમિકા છે. તે અંગે તપાસનો ધમધમાટ શરૂ કરી દીધો છે. નોટબંધી બાદ તરત જ આંગડિયા પેઢીઓ થકી અબજો રૂપિયાના કાળા નાણા બિટકોઈનમાં રોકવામાં આક્ષ્યા હતા. જેના દસ્તાવેજો CID ક્રાઈમના હાથે લાગી ગયા છે. 

બિટકોઈન કેસમાં શંકાસ્પદ પાત્રો જેવા કે બિલ્ડર શૈલેષ ભટ્ટ તેનો પાર્ટનર કિરીટ પાલડિયા પૂર્વ ધારાસભ્ય નલિન કોટડિયા તત્કાલિન SP જગદીશ પટેલ અને સુરતમાં ઉઠી ગયેલી મલ્ટીનેશનલ કંપનીના સંચાલકો. આ બધાનો જે રોલ હતો. તે દિશમાં CID ક્રાઈમે તપાસ હાથ ધરી છે.

હવાલા રેકેટના જે પણ પુરાવા હાથ લાગ્યા છે. તે જોતા લાગી રહ્યું છે કે આગામી દિવસોમાં હવાલા રેકેટની અલગથી ફરિયાદ દાખલ થઈ શકે છે અને આ કેસમાં રાજકારણીઓ અને ઉચ્ચ પોલીસ અધિકારીઓ સહિતના કેટલાક મોટા માથાઓની સંડોવણી પણ સામે આવી શકે છે.

મહત્વનું છે કે બિટકોઈનના તમામ ટ્રાન્જેકશન સુરતથી શરૂ થયા હતા અને ત્યારબાદ અમરેલી અમદાવાદ અને ખેડાનું કનેકશન મળ્યું હતું. હવાલા રેકેટમાં હાલ ઓનલાઈન આંગડિયા પેઢી ચલાવતા પ્રહલાદ પટેલનું નામ સામે આવી રહ્યું છે.