રોગચાળો / મહામારીની આગાહી કરનાર બિલ ગેટ્સે કહ્યું હજુ કોરોના આટલા મહિના સુધી વધુ વકરશે

• માઈક્રોસોફ્ટના સહસંસ્થાપક બિલગેટ્સે કરી ભવિષ્યવાણી 
• કોરોનાની અવધિને લઈને દુનિયાને ચેતવી 
• અમેરિકામાં ચેપ, મોત અને દાખલ થવાના રેકોર્ડ કેસ : બિલ ગેટ્સ

બિલ એન્ડ મેલિન્ડા ગેટ્સ ફાઉન્ડેશનના સહઅધ્યક્ષ ગેટ્સે કહ્યું કે મહામારી સમયના આગામી ચારથી છ મહિના ખૂબ ખરાબ રહી શકે છે. 
 
એક અવલોકન પ્રમાણે હજુ બે લાખ લોકોના મોત થઈ શકે છે

IHME (ઈન્સ્ટિટ્યૂટ ફોર હેલ્થ મેટ્રિક્સ એન્ડ ઈવેલ્યુએશન)નું અનુમાન જણાવે છે કે હજુ બે લાખથી વધુ લોકોનાં મોત થશે. આપણે માસ્ક પહેરવા, સામાજિક અંતર જાળવવા જેવા નિયમોનું પાલન કરીએ તો મોટા ભાગનાં મૃત્યુને રોકી શકાય તેમ છે. 

બિલ ગેટ્સે કહ્યું કે હાલ અમેરિકા માં સંક્રમણ, મોત અને હોસ્પિટલમાં દાખલ થવાના રેકોર્ડ કેસ સામે આવ્યા છે. અત્રે ઉલ્લેખનીય છે કે ગેટ્સે ૨૦૧૫માં જ આવી ગંભીર મહામારીની ચેતવણી આપી હતી. 

વધુ જીવલેણ બની શકે છે કોરોના વાઇરસ : બિલ ગેટ્સ 

તેમણે કહ્યું કે બધું મળીને મેં જ્યારે ૨૦૧૫માં ભવિષ્યવાણી કરી હતી ત્યારે મેં મૃતકોની સંખ્યા વધુ રહેવાની આશંકા પર પણ વાત કરી હતી. આ વાઈરસ જેટલો ઘાતક અત્યારે છે તેનાથી પણ વધુ જીવલેણ બની શકે છે.

અમેરિકા માં અત્યાર સુધી કોવિડ-19થી 2,90,000 લોકોના મોત થઈ ચૂક્યાં છે. તેમણે કહ્યું હતું કે આપણે કોરોના થી સૌથી ખરાબ સ્થિતિનો સામનો નથી કરવો પડ્યો. પરંતુ અમેરિકા અને પૂરા વિશ્વની અર્થવ્યવસ્થા પર પડેલી અસરે મને સૌથી વધુ ચોંકાવ્યો જે ઘણું વધારે છે જેની મેં પાંચ વર્ષ અગાઉ અનુમાન લગાવ્યું હતું. ગેટ્સ ફાઉન્ડેશન રસી બનાવવા માટે કરવા કેટલીય સંસ્થાનોને આર્થિક મદદ કરી રહ્યું છે.