VIDEO / પોલીસની બર્બરતાનો વીડિયો વાયરલ, હાથ-પગ બાંધી લોકોને કલાક સુધી જમીન પર બેસાડી રાખ્યા

• બિહાર પોલીસના કારનામા સો. મીડિયા પર વાયરલ થયાં
• મહિલાઓ અને પુરૂષોના હાથ બાંધી ધરપકડ કરી
• જમીન પર બેસાડી વીડિયો વાયરલ કર્યો

બિહાર પોલીસ પોતાના કારનામા માટે પ્રખ્યાત છે. તાજેતરમાં જ બિહારના ગયા જિલ્લામાંથી આવો જ એક કિસ્સો સામે આવ્યો  છે. જ્યાં પોલીસની બર્બરતાનો વીડિયો સામે આવ્યો છે. જેમાં પોલીસનો તાલિબાની ચહેરો દેખાઈ રહ્યો છે. વાયરલ વીડિયોમાં પોલીસ દ્વારા મહિલા અને પુરૂષના હાથ અને પગ બાંધીને તેમને જમીન પર બેસાડ્યા છે. આ બાજૂ જમીન પર બેઠેલા લોકો લાચાર બની જોઈ રહ્યા છે. આ વીડિયો સામે આવ્યા બાદ બિહાર પોલીસની ચારેબાજૂ ટીકા થઈ રહી છે. આપને જણાવી દઈએ કે, આ સમગ્ર મામલો ગયા જિલ્લાના બેલાગંજ વિસ્તારના આઢતપુર ગામનો છે.

જાણો શું હતો સમગ્ર મામલો

હકીકતમાં જોઈએ તો, આ ગામમાં મંગળવારે નદી કિનારે જિલ્લા ખનન વિભાગ દ્વારા રેતી ભરવાને લઈને સીમાંકન કરવાનું કામ શરૂ કરવામાં આવ્યું હતું. આ દરમિયાન ગ્રામિણ લોકો ઉગ્ર થઈ ગયા હતા અને તેનો વિરોધ કરતા પોલીસફોર્સ પર પથ્થરમારો કર્યો હતો. જેનાથી નવ પોલીસ જવાન ભૂંડી રીતે ઘાયલ થઈ ગયા હતા.  આ ઘટના બાદ જિલ્લા પોલીસ તરફથી કાર્યવાહી કરતા પથ્થરમારો કરનારા મહિલા-પુરુષ તથા કિશોરીઓ સહિત 10ની ધરપકડ કરી લીધી હતી. જો કે, આ દરમિયાન તેમણે જે રીત અપનાવી હતી, તેનો વીડિયો વાયરલ થઈ રહ્યો છે. 

સિટી એસપીએ કહી આ વાત

આ બાજૂ સિટી એસપી રાકેશ કુમારે જણાવ્યું હતું કે, જિલ્લા પદાધિકારીના આદેશ પર ખનન વિભાગના પદાધિકારીઓ દ્વારા આઢતપુર ગામના કિનારે નદીમાં રેતી ઉઠાવવાને લઈને સીમાંકન કરવાનું હતું. પણ લોકોએ તેમના પર હુમલો કરી દીધો. પથ્થરમારાની ઘટનામાં 10 લોકોની ધરપકડ કરી હતી. સરકારી કામમાં અડચણ ઉભી કરવા માટે થઈને તેમના પર કાર્યવાહી કરવામાં આવી હતી. 

ગામ લોકોએ હુમલાનું કારણ બતાવ્યું

વીડિયો વાયરલ થયા બાદ તેમણે કહ્યું કે, ત્યાં મહિલા પોલીસ અધિકારી હાજર હતી. પોલીસ પ્રશાસન પર લોકોએ હુમલો કર્યો હતો. જો કોઈ પોલીસ પર હુમલો કરે છે અથવા તો સરકારી કામમાં દખલ કરે છે તો કાર્યવાહી થાય છે. આ બાજૂ સમગ્ર મામલે ગામલોકોનું કહેવું છે કે, અમે એટલા માટે વિરોધ કર્યો કે, રેતી ભરવાનું કામ ગામમાંથી શરૂ થાય છે તો, વરસાદના દિવસોમાં ગામમાં પાણી ભરાઈ જાય છે. જેનાથી લોકોને ભારે મુશ્કેલીઓ આવે છે.