સુરતમાં આવકવેરા દ્વારા દરોડા પાડવામાં આવ્યા જેમાં દરોડમાંની કાર્યવાહીમાં મોટા ખુલાસા થયા છે IT વિભાગને મોટા રોકડ વ્યવહારો મળી આવ્યા તેમજ 650 કરોડના બેનામી વ્યવહારો અને મિલકતો મળી આવી છે
સુરતમાં IT વિભાગના દરોડામાં મોટો ખુલાસો
દરોડામાં IT વિભાગને મોટા રોકડ વ્યવહાર મળ્યા
650 કરોડના બેનામી વ્યવહારો-મિલકતો મળી - સૂત્ર
સુરતમાં આવકવેરા દ્વારા દરોડા પાડવામાં આવ્યા જેમાં દરોડમાંની કાર્યવાહીમાં મોટા ખુલાસા થયા છે. દરોડામાં IT વિભાગને મોટા રોકડ વ્યવહારો મળી આવ્યા. બિલ્ડર્સ, જ્વેલર્સ અને ફાયનાન્સરોને ત્યાં IT વિભાગે સર્ચ ઓપરેશ હાથ દર્યું હતું. ત્યાંથી મોટા પ્રમાણમાં બેનામી વ્યવહારો મળી આવ્યા છે. દરોડા દરમિયાન વ્યવહારોને કોડેડ કરવામાં આવ્યા હતા. આ કોડ ને ડિકોડ કરતા મોટી રકમ મળી આવી હોવાની માહિતી સૂત્ર દ્વારા પ્રાપ્ત થઇ રહી છે. 650 કરોડના બેનામી વ્યવહારો અને મિલકતો મળી. 3 કરોડ રોકડ, 3 કરોડની જ્વેલરી મળી આવી છે. IT વિભાગે 15 બેંક લોકરો સીઝ કર્યા છે.
સુરતમાં આવકવેરા વિભાગના દરોડામાં ખુલાસો
સુરત શહેરમાં 3 ડિસેમ્બરે સંગીની બિલ્ડર ગ્રુપ પર આઈટી વિભાગે દરોડાની કાર્યવાહી હાથ ધરી હતી. શહેરના 2 બિલ્ડર ગ્રુપ ઉપરાંત ફાયનાન્સર અને ભાગીદારોને ત્યાં પણ તપાસ કરવામાં આવી હતી. જેમાં 40 પૈકી 30 સ્થળે કામગીરી પૂર્ણ થઈ છે. સાથે સાથે 1 કરોડ રોકડ, જ્વેલરી અને 10 બેન્ક લોકર સીઝ કરાયા છે. આ સ્થળોએથી 80થી 100 કરોડના ડોક્યુમેન્ટ મળ્યા છે, સાથે સાથે લેપટોપ, કોમ્પ્યુટર અને હાર્ડડિસ્ક સહિતની વસ્તુઓ આવકવેરા વિભાગ દ્વારા કબ્જે લેવામાં આવ્યા હતા.
દરોડામાં IT વિભાગને મોટા રોકડ વ્યવહાર મળ્યા
આવક વેરા વિભાગ દ્વારા સંગીની ડેવલપર અને અરિહંતને ત્યાં ઘર અને ઓફિસમાં તપાસ કરવામાં આવી હતી. તપાસ દરમિયાન કેટલીક જગ્યાએ મહત્વના કાગળો મળી આવ્યા હોવાનું જણાવમાં મળ્યું હતું. દરોડા દરમિાયન અંદાજે રૂપિયા 100 કરોડના ડોક્યુમેન્ટ જપ્ત કરાયા જેને લઈ આઇટી વિભાગે વધુ કાર્યવાહી હાથ ધરી હતી.
દરોડા દરમિયાન કોડેડ નાણાંકીય વ્યવહારો પણ મળ્યા
આવેકવેરા વિભાગે સપાટો બોલાવતા અરિહંત ગ્રુપ, મહેન્દ્ર ચંપક ગ્રુપ અને અશેષ દોશીને ત્યાં પણ સર્ચની કાર્યવાહી હાથ ધરવામાં આવી હતી, બેનામી સંપત્તિ કે આવક કરતા વધુ સંપત્તિની ચકાસણી કરવામાં આવી હતી. મહત્વનું છે અગાઉ અમદાવાદમાં પણ અનેક જગ્યાએ આવકવેરા વિભાગ દ્વારા તપાસ કાર્યવાહી હાથ ધરવામાં આવી હતી.