આગાહી / ચોમાસા પર મોટા સમાચાર : ગુજરાતમાં આજનો દિવસ 'ભારે', આ વિસ્તારોમાં જળબંબાકારની આગાહી 

• આગામી 24 કલાકમાં ભારેથી અતિ ભારે વરસાદની આગાહી 
• સૌરાષ્ટ્રના પંથકમાં પડી શકે છે ભારે થી અતિભારે વરસાદ 
• અમદાવાદ, ગાંધીનગર, વડોદરામાં રહેશે ભારે વરસાદની આગાહી

રાજ્ય ભરમાં ધીરે ધીરે ચોમાસું જામી રહ્યું હોય તેવું લાગી રહ્યું છે રાજ્યના હવામાન વિભાગે આગામી 24 કલાકમાં ભારેથી અતિભારે વરસાદની આગાહી કરી છે. હવામાન વિભાગે જણાવ્યું છે કે રાજ્યના મોટા શહેરોમાં ભારે પવન સાથે વરસાદ વરસી શકે છે કેટલીક જિલ્લાઓમાં તો વહેલી સવાથી જ વરસાદી વાતાવરણ જોવા મળી રહ્યું છે

હવામાન વિભાગની ભારે વરસાદની આગાહી

આ તરફ સૌરાષ્ટ્રમાં પણ ચોમાસાનું આગમન થઈ ચુક્યું છે. હવામાન વિભાગે જૂનાગઢ, ગીર સોમનાથમાં પણ ભારે વરસાદની આગાહી કરી છે. જ્યારે જામનગર, ભાવનગર, અમરેલી ભારે વરસાદની આગાહી કરવામાં આવી છે હવામાન વિભાગે અમદાવાદ, ગાંધીનગર, વડોદરામાં રહેશે પણ ભારે વરસાદ પડી શકે તેવી સંભાવનાઓ વ્યક્ત કરી છે તો આણંદ, નડિયાદ, ખેડામાં ભારે વરસાદની શક્યતા જોવા મળી રહી છે રાજ્યમાં ભરૂચ, નવસારી, ડાંગમાં પણ વરસાદનું જોર રહેશે તેવું હવામાન વિભાગે જણાવ્યું છે.

ભારેથી અતિ ભારે વરસાદની આગાહી 

હવામાન વિભાગે આગામી કરતા જણાવ્યું છે કે આગામી 24 કલાક સુધી ધોધમાર વરસાદ પડી શકે છે વહેલી સવારથી રાજ્યમાં અનેક જિલ્લાઓમાં ધોધમાર વરસાદ વરસી રહ્યો છે. એવામાં હવામાન વિભાગે આગાહી કરી કે મધ્ય અને દક્ષિણ ગુજરાતના કેટલાક જિલ્લામાં ભારેથી અતિભારે વરસાદ આવી શકે છે.

સૌરાષ્ટ્રના પંથકમાં ભારે થી અતિભારે વરસાદની આગાહી 

સૌરાષ્ટ્રના કેટલાક વિસ્તારોમાં ભારે વરસાદ પડી શકે છે. જ્યારે બાકીના વિસ્તારમાં મધ્યમથી ભારે વરસાદ પડી શકે છે. હવામાન વિભાગે એ પણ આગાહી કરી કે  આગામી બે દિવસ બાદ વરસાદની તિવ્રતા ઓછી થશે. રાજ્યમાં બપોરના 2થી 4 વાગ્યા સુધીમાં 56 તાલુકાઓમાં વરસાદ નોંધાયો છે. સૌથી વધુ બે કલાકમાં બોટાદના બરવાળામાં 3 ઈંચ વરસાદ પડ્યો છે. 

અમદાવાદ, ગાંધીનગર, વડોદરામાં ભારે વરસાદ પડી શકે

ગઈ કાલે આણંદ જિલ્લામાં આભ ફાટ્યા જેવી સ્થિતિનું નિર્માણ થયુ હતું ગઈ કાલ સવારથી અનરાધર વરસાદને કારણે ઠેરઠેર પાણી ભરાઈ ગયા હતા માત્ર 4 કલાકમાં જ 7 ઈંચ જેટલો વરસાદ ખાબકી જતા અનેક વિસ્તારોમાં ઘૂંટણસમા પાણી ભરાયા છે. સવારે 6થી 10 વાગ્યા સુધીના 4 કલાકમાં 7 ઇંચ જેટલો વરસાદ ખાબક્યો છે. જેમાં 6થી 8 વાગ્યા સુધીમાં 5 ઇંચ અને 8થી 10 વાગ્યા સુધીમાં 2 ઇંચ વરસાદ નોંધાયો છે. ભારે વરસાદને પગલે નીચાણવાળા વિસ્તારો બેટમાં ફેરવાયા છે અને રસ્તાઓ પર જાણે નદી વહેતી હોય એવાં દ્રશ્યો જોવા મળી રહ્યાં છે.

આગામી પાંચ દિવસ રાજ્યમાં હજુ વરસાદી માહોલ જામશે

હવામાન વિભાગે ઉત્તર ગુજરાત, દક્ષિણ ગુજરાત, સૌરાષ્ટ્રના અનેક જિલ્લામાં વરસાદની આગાહી કરી છે. વરસાદનું આગમન થતા જ લોકો તથા ધરતીપુત્રોમાં ખુશીનો માહોલ છવાયો છે. વાતાવરણમાંથી ગરમી દૂર થઈ છે અને ઠંડક પ્રસરી ગઈ છે. આગામી પાંચ દિવસ રાજ્યમાં હજુ વરસાદી માહોલ જામશે. 

આગામી 24 કલાકમાં સમગ્ર રાજ્યમાં નોંધનીય વરસાદની આગાહી

હવામાન વિભાગે આગામી 24 કલાકમાં સમગ્ર રાજ્યમાં નોંધનીય વરસાદની આગાહી કરી છે. સૌરાષ્ટ્રના કેટલાક વિસ્તારોમાં ભારે વરસાદની આગાહી કરી છે. તો મધ્ય ગુજરાત અને દક્ષિણ ગુજરાતના કેટલાક જિલ્લામાં ભારેથી અતિભારે વરસાદની આગાહી કરી છે. જ્યારે રાજ્યના અન્ય વિસ્તારોમાં મધ્યથી ભારે વરસાદની આગાહી કરવામાં આવી છે.