નિર્ણય / Facebook યુઝર્સ ખાસ વાંચે : આજથી બદલાઇ રહ્યો છે નિયમ, લોગ ઇન કરવા માટે કરવુ પડશે આ કામ 

• ફેસબૂક પર લોગઇન કરવા બદલાયા નિયમ
• સિક્યોરીટીને ધ્યાનમાં રાખીને લીધો નિર્ણય 
• સ્માર્ટફોન યુઝર્સ માટે મહત્વનો નિર્ણય

ફેસબૂકે હવેથી મોબાઇલ પર લોગ ઇન કરવા માટે ટુ-ફેક્ટર ઓથેન્ટિકેશનને લાગૂ કરી દેવાનો નિર્ણય કર્યો છે. આજથી જો તમારે ફોન પર ફેસબૂક ચાલુ કરવુ હશે તો તમારે તેના માટે ટુ ફેક્ટર ઓથેન્ટિકેશન પ્રક્રિયામાંથી પસાર થવુ પડશે. 

ફેસબૂકે સિક્યોરીટીને ધ્યાનમાં રાખીને આ નિર્ણય લીધો છે. 2017માં ફેસબૂકે ડેસ્કટોપ લોગઇન માટે આ પ્રકારનો નિર્ણય લીધો હતો. હવે આ જ નિયમ સ્માર્ટફોન યુઝર્સ માટે પણ લાગૂ પડશે. ફેસબૂકનો આ નિયમ એન્ડ્રોઇડ અને iOS બંને માટે લાગૂ પડશે. 

શું છે ટુ ફેક્ટર ઓથેન્ટિકેશન ? 
ટુ ફેક્ટર ઓથેન્ટિકેશન એક સિક્યોરીટી ફીચર છે જે તમારા ફેસબૂક અકાઉન્ટને અજાણ્યા ડિવાઇસમાં લોન ઇન કરતા પહેલા તમારી પાસે પાસવર્ડ માંગશે જેના દ્વારા તમારુ અકાઉન્ટ અન્ય કોઇ યુઝ નહી કરી શકેય સામાન્ય રીતે મોબાઇલમાં આ ફીચર દ્વારા તમને એક મેસેજ આવે છે અને બાદમાં તે કોડથી લોગઇન કરી શકાય છે. 

કંપનીએ કહ્યું કે અમે યુઝર્સની સિક્યોરીટીને ધ્યાનમાં રાખીએ છીએ. યુઝર્સે હેકર્સથી બચાવવા માટે સુરક્ષિત પ્લેટફોર્મને સુનિશ્ચિત કરીએ છીએ. મહત્વનું છે કે આ અઠવાડીયે ટ્વિટરે લોકોની સિક્યોરીટી વધારવા માટે આ પ્રકારનુ ફીચર લાગૂ કર્યુ હતુ.