દિલ્હીમાં મળનારી એક ખાસ બેઠકમાં ઉપસ્થિત રહેવા ભારતે ,પાકિસ્તાનની રાષ્ટ્રીય સુરક્ષા એજન્સીને આમંત્રણ પાઠવ્યું છે. અફઘાનિસ્તાનના મુદ્દે મળનારી આ બેઠક 10-11 નવેમ્બરે યોજાશે
અફઘાનિસ્તાન મુદ્દે NSAની મળશે બેઠક
દિલ્હીમાં સંભવત; નવેમ્બરના બીજા સપ્તાહમાં બેઠક
બેઠકમાં ઉપસ્થિત રહેવા પાકિસ્તાનને આમંત્રણ
આગામી મહીને દિલ્હીમાં મળનારી એક ખાસ બેઠકમાં ઉપસ્થિત રહેવા ભારતે ,પાકિસ્તાનની રાષ્ટ્રીય સુરક્ષા એજન્સીને આમંત્રણ પાઠવ્યું છે. અફઘાનિસ્તાનના મુદ્દે મળનારી આ બેઠક 10-11 નવેમ્બરે દિલ્હીમાં મળશે. જેની અધ્યક્ષતા ભારતના રાષ્ટ્રીય સુરક્ષા સલાહકાર અજીત ડોવાલ કરશે.
રશિયા -ચીનને પણ આમંત્રણ
આવતા મહીને નવેમ્બરમાં દિલ્હીમાં અફઘાનિસ્તાન પર રાષ્ટ્રીય સુરક્ષા સલાહકારો (NSA)ની બેઠકમાં યજમાની કરવાનો પ્રસ્તાવ રખાયો છે.એવું પણ જણાવાયું છે કે, ભારતે પાકિસ્તાન NSAને પણ આ બેઠકમાં ઉપસ્થિત રહેવા આમંત્રણ આપ્યું છે.એટલું જ નહિ,પાકિસ્તાન સિવાય અફઘાનિસ્તાનમાં રશિયા અને ચીન જેવા મુખ્ય હિતૈષીઓ નેપણ આમંત્રણ આપવામાં આવ્યું છે.
નવેમ્બરમાં મળશે બેઠક
આ બેઠક દિલ્હીમાં થશે.એ માટે 10 અને 11 નવેમ્બરની તારીખનો પ્રસ્તાવ પણ મુકવામાં આવ્યો છે.આ બેઠકમાં અફઘાનિસ્તાનની સુરક્ષા પર મુદ્દાઓ ચર્ચાશે.અને આ બેઠક ભારતના રાષ્ટ્રીય સુરક્ષા સલાહકાર અજીત ડોવાલની અધ્યક્ષતામાં થશે.
જૂનમાં આમને-સામને થયા હતા ભારત-પાકિસ્તાન NSA
આ પૂર્વે, જૂનમાં તજાકિસ્તાનમી શાંઘાઈમાં કો-ઓપરેશન ઓર્ગેનાઈઝેશન (SCO)ની બેઠક થઇ હતી.આ દરમિયાન,ભારતનાં રાષ્ટ્રીય સુરક્ષા સલાહકાર અજીત ડોવાલ અને પાકિસ્તાન ના NSAમોઈદ યૂસુફ સામ-સામે આવ્યા હતા. જો કે, બંને વચ્ચે દ્વિ-પક્ષી વાર્તાલાપ નહોતો થયો.SCOની બેઠકમાં ભારતના રાષ્ટ્રીય સુરક્ષા સલાહકાર અજીત ડોવાલે આતંકવાદનો મુદ્દો ઉઠાવ્યો હતો.એટલું જ નહિ, ડોવાલે પાકિસ્તાનમાં ફૂલી-ફાલી રહેલા લશ્કર-એ તઇબા,જૈશ-એ-મોહમ્મદ જેવા આતંકી સંગઠનો સાથે નિપટવા એક્શન પ્લાનનો પણ પ્રસ્તાવ મુક્યો હતો.
અફઘાનિસ્તાન મુદે ડોવાલ સક્રિય
ભારત અફઘાનિસ્તાનના મુદ્દે સતત સક્રિય છે.એ જ કારણ છે કે, હાલમાં અજીત ડોવાલે રશિયાના સમકક્ષ નોકોલાઈ પેતૃશેવ સાથે મુલાકાત કરી હતી. બંને વચ્ચે અફઘાનિસ્તાન મુદ્દે ચર્ચા થઇ.આ પહેલા ડોવાલે અમેરિકી NSA જૈક સુવેલીયન સાથે આ જ મુદ્દે વાત કરી હતી