US Elections 2020 / રાષ્ટ્રપતિ પદની ચૂંટણી જીત્યા બાદ સામે આવી બાયડન - હેરિસની પ્રતિક્રિયા, ટ્વિટ કરીને કહી આ મોટી વાત 

• અમેરિકી મીડિયાના અનુસાર બાયડન ચૂંટણી જીત્યા 
• પરિણામ બાદ સામે આવી બાયડન - હેરિસની પ્રતિક્રિયા 
• બાયડને ટ્વિટ કરીને કહ્યું, "હું સન્માનિત અનુભવ કરું છું"

અમેરિકામાં તાજેતરમાં યોજાયેલી રાષ્ટ્રપતિ પદની ચૂંટણીમાં ડેમોક્રેટ ઉમેદવાર જો બાયડન ને હાલમાં વિજેતા જાહેર કરાયા છે, રિપબ્લીકન ઉમેદવાર ડોનાલ્ડ ટ્રમ્પ ને હરાવીને તેઓ હવે અમેરિકાના 46માં રાષ્ટ્રપતિ પદનો તાજ ગ્રહણ કરશે, જે બાદ તેઓ અમેરિકાના અત્યાર સુધીના ઇતિહાસના સૌથી મોટી ઉમરના રાષ્ટ્રપતિ બનવા જઈ રહ્યા છે, જેમની ઉમર ૭૮ વર્ષ છે અને સાથે જ પહેલી વખત કોઈ મહિલા અમેરિકાના વાઈસ પ્રેસિડેન્ટનો તાજ ગ્રહણ કરશે, જે ભારતીય મૂળના કમલા હેરીસ હશે. 

America, I’m honored that you have chosen me to lead our great country.

The work ahead of us will be hard, but I promise you this: I will be a President for all Americans — whether you voted for me or not.

I will keep the faith that you have placed in me. pic.twitter.com/moA9qhmjn8

— Joe Biden (@JoeBiden) November 7, 2020

સામે આવી પહેલી પ્રતિક્રિયા 

ચૂંટાઈ ગયા બાદ ડેમોક્રેટ ઉમેદવાર જો બાયડન નું રીએક્શન સામે આવ્યું હતું જેમાં તેમણે ટ્વીટ કરીને કહ્યું હતું કે, અમેરિકા, મને સન્માન છે કે તમે મને આપણા મહાન દેશનું નેતૃત્વ કરવા માટે પસંદ કર્યું છે.આપણું આગળનું કાર્ય સખત હશે, પરંતુ હું તમને આ વચન આપું છું: હું બધા અમેરિકનો માટે રાષ્ટ્રપતિ બનીશ - પછી ભલે તમે મને મત આપ્યો કે નહીં.તમે જે વિશ્વાસ મૂક્યો છે તેનું હું ધ્યાન રાખીશ. 

This election is about so much more than @JoeBiden or me. It’s about the soul of America and our willingness to fight for it. We have a lot of work ahead of us. Let’s get started.pic.twitter.com/Bb9JZpggLN

— Kamala Harris (@KamalaHarris) November 7, 2020

આ સિવાય કમલા હેરીસની પણ પ્રતિક્રિયા સામે આવી હતી જેમાં કહ્યું હતું કે આ ચૂંટણી એક ચૂંટણી કરતા વધુ હતી, મારા માટે અને જો બાયડન માટે. આ અમેરિકાની આત્મા માટે હતી, અને તેની લડાઈ લડવાની ઈચ્છાશક્તિ માટે હતી. આપણે હજુ આગળ ઘણું કામ કરવાનું છે, માટે ચાલો હવે શરુ કરી દઈએ" આ પ્રકારના સંદેશ સાથે તેમણે એક વિડીયો પણ શેર કર્યો હતો. 

ટ્ર્મ્પ હાર માનવા તૈયાર નથી 

જો કે હજુ પણ પૂર્વ રાષ્ટ્રપતિ અને રિપબ્લિકન પાર્ટીના ઉમેદવાર ડોનાલ્ડ ટ્રમ્પ આ પરિણામને માનવા માટે તૈયાર દેખાઈ રહ્યા નથી, તેમણે કહ્યું હતું કે અમેરિકી મીડિયા બાયડનની સાથે છે અને આ પહેલા તેમણે ટ્વીટ કર્યું હતું જેમાં તેમણે કહ્યું હતું કે હું આ ઈલેકશન જીતી ગયો છું અને તે પણ ઘણા બધા મત સાથે" જો કે આ મામલે તેમને ઘણા ટ્રોલ કરવામાં આવી રહ્યા છે.