UP ELECTION / પાંચ વર્ષમાં જે પણ ભૂલી થઈ હોય તેને માફ કરી દેજો, ભાજપના આ નેતાએ મંચ પર જાહેરમાં કરી ઉઠક બેઠક

• નેતાઓ ચૂંટણી આવતા કંઈ પણ કરવા તૈયાર થઈ જાય
• ભાજપના નેતાએ મંચ પર ઉઠક બેઠક લગાવી
• પાંચ વર્ષમાં જે ભૂલો થઈ તેને માફ કરી દેવા અપીલ કરી

ઉત્તર પ્રદેશના સોનભદ્રમાં વિધાનસભા ચૂંટણીના સાતમા તબક્કામાં સાત માર્ચે મતદાન થવાનું છે. જેને લઈને તમામ નેતાઓ પોતાના અંદાજમાં ચૂંટણી પ્રચાર કરી રહ્યા છે અને જનતાને લલચાવવા માટેની કોશિશ કરી રહ્યા છે, પણ અહીં રોબર્ટ્સગંજ સીટથી ભાજપના ધારાસભ્ય અને ઉમેદવાર ભૂપેશ ચૌબેનો એક અલગ જ અંદાજ લોકોને જોવા મળ્યો હતો. ચૂંટણી પ્રચાર દરમિયાન ભૂપેશ ચૌબે ખુરશી પરથી ઉભા થઈને કાન પકડી લીધા હતા. ત્યાર બાદ તેમણએ ખુરશી પર જ ઉઠક બેઠક લગાવતા કહ્યું કે, પાંચ વર્ષમાં જે પણ અમારાથી ભૂલ થઈ તેને લઈને માફી માગીએ છીએ.

ભાજપ ઉમેદવારે કાન પકડીને માફી માગી

ભાજપ ઉમેદવાર ભૂપેશ ચૌબેએ ખુરશી પર ઉભા થઈને કાન પકડીને પોતાનાથી થયેલી ભૂલો માટે માફી માગી હતી. ભૂપેશ ચૌબે કહ્યું કે, જેવી રીતે 2017 બાદ આપ તમામ દેવતુલ્ય કાર્યકર્તાઓએ મને આશીર્વાદ આપ્યા હતા, તેવી જ રીતે આ વખતે પણ આશીર્વાદ આપજો. જેનાથી રોબર્ટ્સગંજ વિધાનસભામાં ભારતીય જનતા પાર્ટીનું કમળ ખિલી શકે. તેની સાથે જ તેમણે પાંચ વર્ષમાં થયેલી ભૂલોને લઈને જનતા પાસે માફી પણ માગી હતી અને મંચ પર જ ઉઠક બેઠક લગાવવા લાગ્યા હતા.

કોંગ્રેસ અને ઓવૈસી સાથે છે લડાઈ

આ દરમિયાન ભૂપેશ ચૌબે સાથે કાર્યક્રમમાં મુખ્ય અતિથિ તરીકે ઝારખંડના પૂર્વ સ્વાસ્થ્ય મંત્રી અને ધારાસભ્ય ભાનૂ પ્રતાપ શાહી પણ હાજર હતાં. ભાનૂ પ્રતાપ શાહી ભાજપના ઉમેદવારના સમર્થનમાં વોટ માગતા કહ્યું કે, તેમની લડાઈ ઓવૈસી જેવા લોકો અને કોંગ્રેસ સાથે છે. ન કે સપા અને બસપા સાથે. વિધાનસભા ચૂંટણી ત્રણ તબક્કામાં સપા બસપા હાફી ગઈ છે. અને સાતમાં તબક્કામાં સુધીમાં જ સંપૂર્ણપણે હાફી જશે.