અરેરાટી / ગોઝારો રવિવાર! છોટાઉદેપુર-મધ્યપ્રદેશ રૂટની બસ પુલ નીચે ખાબકી, 3 લોકોના કમકમાટીભર્યા મોત

• છોટાઉદેપુર-મધ્યપ્રદેશ રૂટની બસનો અકસ્માત
• મધ્યપ્રદેશના ચાંદપુર નજીક દુર્ઘટના
• 3 લોકોના મૃત્યુ, 25 ઘાયલ

આ બસ જ્યારે મધ્ય પ્રદેશના ચાંદપુર નજીકથી પસાર થઈ રહી હતી તે દરમ્યાન ધુમ્મસને પગલે પુલમાં ખાબકી હતી. અકસ્માતથી 3 લોકોના કરૂણ મોત નિપજ્યા છે.

3 લોકોના મોત 25 જેટલા ઘાયલ

 જ્યારે બસમાં સવાર 25 જેટલા વ્યક્તિઓ ગંભીર રીતે ઈજાગ્રસ્ત થયા હતા. જેથી ઈજાગ્રસ્તોને સારવાર માટે તુરંત નજીકની હોસ્પિટલે ખસેડવામાં આવ્યા હતા. 

चांदपुर के पास हुई यात्री बस दुर्घटना में 25 लोग घायल, 3 की मौत हुई। घायलों में 16 पुरुष, 9 महिलाएं, जिनमें 7 बच्चे भी है।@CMMadhyaPradesh @DGP_MP@JansamparkMP@comindore@jdjsindore pic.twitter.com/asnXQM0pGf

— PRO JS Alirajpur (@PROJSAlirajpur) January 2, 2022

બસમાં સવાર તમામ લોકો મધ્યપ્રદેશના હોવાનુ ખુલ્યુ

ઉલ્લેખનીય છે કે છોટાઉદેપુર ડેપોમાંથી આ બસ રોજની માફક મધ્યપ્રદેશ તરફ જવા રવાના થઈ હતી. જ્યાં રસ્તા વચ્ચે અકસ્માત સર્જાયો હતો. મધ્યપ્રદેશની આ પ્રાઈવેટ બસમાં સવાર તમામ લોકો મધ્યપ્રદેશના હોવાનુ ખુલ્યુ છે.

મૃતકોના નામ

• -કૈલાશ નવલસિંહ મેડા ભીલ (ઉ.48)
• -યુગ સંજય કિરાડે ભિલાલા (ઉ.01), (રહે. રાકસા, અલીરાજપુર)
• -મીરાબાઇ કૈલાશ મેડ ભીલ (ઉ.46), (રહે. કાલા ખેતર જોબટ, અલીરાજપુર)

CM શિવરાજસિંહ ચૌહાણે જાહેર કરી આર્થિક સહાય 

મધ્ય પ્રદેશના મુખ્યમંત્રી શિવરાજસિંહ ચૌહાણ સમગ્ર મામલે તાત્કાલિક અસરથી એક્શનમાં આવ્યા છે. સાથે જ તેમણે મૃતકોના પરિજનોને રૂ. 4 લાખની આર્થિક સહાય અને ઘાયલોને યોગ્ય સહાય આપવાનું એલાન  કર્યું છે. હાલ પોલીસે બસના કન્ડક્ટર અને ડ્રાઇવરને ઝડપી પાડ્યા છે અને આગળની કાર્યવાહી હાથ ધરી છે.