- ભોજપુરી અભિનેત્રી આકાંક્ષા દુબે આત્મહત્યા મામલો
- પંખા સાથે લટકતો આકાંક્ષાનો મૃતદેહ મળી આવ્યો હતો
- આકાંક્ષા દુબે મૃત્યુ પહેલા ઈન્સ્ટાગ્રામ લાઈવ પર રડી હતી
ભોજપુરી સિનેમા જગતની અભિનેત્રી આકાંક્ષા દુબેએ આત્મહત્યા કરી લેતા ખળભળાટ મચી જવા પામ્યો છે. રવિવારે વારાણસીની એક હોટલમા પંખા સાથે લટકતો આકાંક્ષાનો મૃતદેહ મળી આવ્યો હતો. ત્યારે આ મામલે પોલીસ પણ તપાસનો ધમધમાટ શરૂ કરી અને આત્મહત્યા પાછળનું કારણ જાણવા મથામણ કરી રહી છે. આકાંક્ષા દુબે મૃત્યુ પહેલા ઈન્સ્ટાગ્રામ લાઈવ પર રડી હતી અને ચોંકાવનારો વીડિયો સામે આવ્યો છે.
વિડીયો ઇન્ટરનેટ પણ ખૂબ જ વાયરલ
આયખું ટૂંકાવતા પહેલા આકાંક્ષા દુબે પોતાના મનની વાત કાંઈક કહેવા માંગતી હોય તેવું સોશિયલ મીડિયા યુઝર્સ જણાવી રહ્યા છે. કારણ કે આત્મહત્યા કરતા પહેલા આકાંક્ષા દુબે થોડા જ કલાકો અગાઉ instagram પર લાઈવ થઈ હતી. અને તેઓની આત્મહત્યા બાદ આ વિડીયો ઇન્ટરનેટ પણ ખૂબ જ વાયરલ પણ થઈ રહ્યો છે. બે મિનિટ અને 20 સેકન્ડના આ વીડિયોમાં આકાંક્ષા દુબેના ચહેરા પર નિરાશા અને દુઃખ દર્દ છલકાત હોવાનું દ્રશ્યમાન થઈ રહ્યું છે.
ભોજપુરી અભિનેત્રીની લાશનો પોલીસે કબજો સંભાળી કાર્યવાહી આગળ ધપાવી
વીડિયોમાં કોઈપણ જાતની સ્પષ્ટતા વગર આકાંક્ષા દુબે પોતાના મનની વાત લોકોને કહેવા માંગતી હોય તેવો ભાવ દર્શાઇ રહ્યો છે. વીડિયોમાં તે ચોધાર આશુએ રડતી નજરે પડી રહી છે અને વિડીયોના અંતે તે કેમેરાથી દૂર જતી રહે છે. બાદમાં જ તેણે હોટલના પંખા સાથે ગળેફાસો ખાઈ જીવતરનો અંત આણ્યો હોવાનું જાણવા મળી રહ્યું છે. હાલ ભોજપુરી અભિનેત્રીની લાશનો પોલીસે કબજો સંભાળી કાર્યવાહી આગળ ધપાવી છે.
