પ્લાસ્ટિક વેસ્ટ્ની આડમાં લવાતા દારૂના જથ્થા સાથે 2 શખ્સને પોલીસે દબોચ્યા

ભરૂચના કેબલ બ્રિજ ટોલ પ્લાઝા પાસેથી 522 પેટી વિદેશી દારૂ સહિત પોલીસે ટ્રક ચાલક અને ક્લિનરની ધરપકડ કરી છે. પ્લાસ્ટિકના વેસ્ટ કોથળાની આડમાં ટ્રકચાલક વિદેશી દારૂ લઈ જઈ રહ્યો હતો. જેની બાતમી પોલીસને મળી હતી. હાલ પોલીસે 17 લાખથી વધુનો મુદ્દામાલ જપ્ત કરી આ દિશામાં કાયદેસરની કાર્યવાહી હાથ ધરી છે.

આ મામલે મળતી જાણકારી મુજબ ભરૂચ પોલીસને પ્લાસ્ટિકના વેસ્ટ કોથળાની આડમાં લાવવામાં આવતા દારૂ અંગેની બાતમી મળી હતી. બાતમીને આધારે સ્થાનિક પોલીસની ટીમે કેબલ બ્રિજ ટોલ પ્લાઝા નજીક કડક વોચ ગોઠવતા શંકાસ્પદ ટ્રક પસાર થઇ રહી હતી. પોલીસે આ ટ્રકને અટકાવીને તપાસ હાથ ધરી હતી. 

પોલીસને તપાસ દરમિયાન પ્લાસ્ટિકના વેસ્ટ કોથળાની આડમાં 522 પેટી વિદેશી દારૂ ઝડપાતા પોલીસે ટ્રક ચાલક અને ક્લિનરની ધરપકડ કરી હતી અને આટલો મોટ દારૂનો જથ્થો કોના કહેવાથી ગુજરાતમાં લાવવામાં આવી રહ્યો હતો અને કયા સ્થળે લઇ જવામાં આવી રહ્યો હતો તે અંગે તપાસ હાથ ધરી હતી. 
 

#Bharuch
522 પેટી વિદેશી દારૂ ઝડપાયો
ટ્રક ચાલક અને ક્લીનરની ધરપકડ
કોથળામાં છુપાવ્યો હતો દારૂ
17 લાખથી વધુનો મુદ્દામાલ જપ્ત
વધુ તપાસ તેજ@GujaratPolice @dgpgujarat pic.twitter.com/eLrJpaodrZ

— VTV Gujarati News (@VtvGujarati) January 18 2019

આપને જણાવી દઇએ કે એક તરફ ગુજરાતમાં દારૂબંધી છે ત્યારે કેટલાક અસામાજીક તત્વો દ્વારા યેનકેન પ્રકારે દારૂનો જથ્થો ઝડપાઇ રહ્યો છે ત્યારે સ્થાનિક તંત્ર સામે પણ કેટલાક સવાલો ઉભા થાય છે.

આજ રીતે ગતરોજ અરવલ્લીના શામળાજી નજીક આવેલા વેણપુર પાસેથી પોલીસે મહારાષ્ટ્ર એચ.એસ.સી. પરીક્ષા બોર્ડની સપ્લીમેન્ટરીની આડમાં સંતાડીને લઈ જવાતો વિદેશી દારૂ ઝડપી પાડ્યો હતો. અરવલ્લી પોલસે 13.51 લાખ રૂપિયાના વિદેશી દારૂના જથ્થા સાથે ટ્રક અને બે શખ્સોની ધરપકડ પણ કરી છે.