Bharuch News: ભરૂચના જંબુસરમાં કાવી ગામના માછીમારોની જાળમાં અઢી ફૂટની ઊંચાઈ અને આશરે 100 કિલોથી વધુ વજન ધરાવતું સ્ફટિકનું શિવલિંગ મળી આવ્યું
Share
જંબુસરના કાવીના દરિયામાંથી શિવલિંગ મળ્યુ
સ્ફટિકનુ શિવલિંગ મળતાં સ્થાનિકોમાં કુતૂહલ
2.5 ફૂટ ઉંચા શિવલિંગુ 100 કિલો કરતાં વધુ વજન
ભરૂચ જિલ્લાના જંબુસર તાલુકાના કાવી ગામના દરિયામાંથી સ્ફટિકનુ શિવલિંગ મળી આવ્યુ છે. સ્ફટિકના પથ્થરમાંથી બનેલાં શિવલિંગ જોઈને સ્થાનિક માછીમારોએ દરિયામાંથી બહાર કાઢ્યુ હતુ. સ્ફટિકના શિવલિંગમાં ચાંદીના નાગદેવતાની મૂર્તિ અને શંખ પણ જોવા મળી રહ્યા છે. 2.5 ફૂટ ઉંચા શિવલિંગનુ અંદાજે 100 કિલોથી વધારે વજન છે.
શિવલિંગમાં ચાંદીના નાગદેવતાની મૂર્તિ જોવા મળી
કાવીના ગ્રામજનોએ કમલેશ્વર મહાદેવ મંદિરમાં શિવલિંગને સ્થાપિત કરવાનો નિર્ણય કર્યો છે. કાવીના માછીમારો ખંભાતના અખાતમાં માછીમારી કરવા ગયા ત્યારે માછલી માટે બિછાવેલી જાળમાં સ્ફટિકનુ શિવલિંગ ફસાઈ ગયુ હતુ. જે શિવલિંગને તેઓ કિનારા પર લઈ આવ્યા હતાં
ટોળેટોળાં શિવલિંગને જોવા ઊમટ્યા હતા
માછીમારો દરિયામાં માછીમારી કરવા ગયા હતા, ત્યારે તેમણે દરિયામાં જાળ બિચાવી હતી જે જાળ પરત લેતા શિવલિંગ આકારનું કંઇક ફસાઈ જતાં માછીમારોએ તેને ઊંચકવાનો પ્રયત્ન કરતાં એ ઘણું જ વજન લાગ્યું હતું. ત્યાર બાદ બોટની મશીનની મદદથી તેને ઊંચકી બોટમાં ચઢાવ્યું હતું. ત્યારબાદ કિનારે લઈ આવ્યા હતા. આ શિવલિંગ મળ્યાની વાત પથંકમાં પ્રસરતા લોકોના ટોળે ટોળા જોવા માટે ઉમટી પડ્યાં હતાં. ત્યારબાદ માછીમાર લોકોએ પોલીસને પણ જાણ કરી હતી
