ફાયદાકારક / સ્કિનને મુલાયમ અને ગોરી બનાવવા પાર્લર જવાની જરૂર નહીં પડે, ઘરે જ આ નેચરલ પેસ્ટ લગાવો

• કોરોના કાળમાં આ ખાસ ટિપ્સથી પાર્લર જવાની જરૂર નહીં પડે
• સ્કિનને એકદમ સુંદર બનાવી દેશે આ નેચરલ પેસ્ટ
• ઘરે મહિલા અને પુરૂષો બધાં જ કરી શકે છે ઉપયોગ

આજકાલ આપણે કામમાં એટલા વ્યસ્ત થઈ ગયા છીએ કે સ્વયંની કાળજી રાખવાનું યાદ જ નથી આ‌વતું. જેના કારણે સ્કિન બરછટ અને કાળી પડી જાય છે, પછી ખબર પડે કે સ્કિન મૂળ જે કલરની હતી એનાથી સાવ જુદી થઈ ગઈ છે. એમાં પણ અત્યારે કોરોના કાળમાં પાર્લર જવાનું પણ બંધ છે. જોકે, તમે ઘરે જ કેટલીક નેચરલ પેસ્ટ લગાવીને ચહેરાનો સુંદર બનાવી શકો છો. ચાલો જાણીએ. 

આ છે બેસ્ટ નેચરલ પેસ્ટ

• સૌ પ્રથમ લીંબુના રસમાં ખાવાનો સોડા મિક્સ કરીને વીસ મિનિટ ચહેરા, હાથ, પગ ઉપર લગાવીને રાખવાથી કાળાશ દિવસે દિવસે ઓછી થતી જશે. અઠવાડિયાં સુધી આ રીતે કરવાથી તમારી સ્કિન ચમકવા લાગશે અને સનબર્ન પણ નીકળી જશે.
• ચોખાના લોટમાં દહીં અને લીંબુનો રસ મિક્સ કરીને 30 મિનિટ સુધી લગાવીને રાખવું. ત્યારબાદ ધોઇ નાખવું. આ રીતે બે અઠવાડિયા સુધી અઠવાડિયામાં 3-4 વાર કરો.
• સંતરાંની છાલનો પાઉડર, લીંબુની છાલનો પાઉડર, ઓખાનો લોટ મિક્સ કરીને પેસ્ટ બનાવો. આ પેસ્ટ અઠવાડિયામાં 3-4 વાર લગાવવાથી પણ તમારી શ્યામ થઇ ગયેલી સ્કિન ગોરી થવા લાગશે.
• ચાની પત્તીનું પાણી, લીંબુનો રસ, ફુદીનાનાં પાન, અડધી ચમચી ખાવાનો સોડા નાખી આ મિશ્રણને ચહેરા, હાથ, પગ પર લગાવવાથી કાળાશ નીકળી જશે અને તમારી સ્કિન ચમકદાર બનશે.
• ચોખાના લોટમાં બાજરીનો લોટ, લીંબુનો રસ, ખાવાનો સોડા મિક્સ કરીને સાબુના બદલે આ ઉબટણ લગાવીને સ્નાન કરવાથી સ્કિનની કાળાશ દૂર થાય છે. આનાથી સ્કિન ફાટતી પણ નથી. આ ઉબટણથી નાનાં બાળકોને પણ સ્નાન કરાવી શકો છો. જો બાળકો માટે આ ઉબટણ બનાવો તો ખાવાનો સોડા ન ઉમેરવો.
• કોફી પાઉડરમાં લીંબુનો રસ મિક્સ કરીને લગાવવાથી ચહેરાની ત્વચા કાંતિવાન બને છે અને ચહેરો આકર્ષક લાગે છે. આ ઉપાયો દ્વારા સનબર્ન ત્વચાથી છુટકારો મેળવી શકાય છે.