ફાયદાકારક / બસ આ 1 વસ્તુનો ઉપાય જાણી લો, શરદી-ખાંસી, ગેસ, વાળની સમસ્યા થઈ જશે ખતમ

• લવિંગ બેસ્ટ ઘરેલૂ દવા છે
• ગેસમાં 1 લવિંગ વાટી પાણીમાં મિક્સ કરી પી લો
• વાળ ખરવાની સમસ્યા પણ દૂર કરે છે લવિંગ

ગેસની બેસ્ટ દવા

આજકાલ વૃદ્ધોની સાથે નાની ઉંમરમાં પણ લોકોને ગેસની સમસ્યા સતાવવા લાગી છે. રોજ ગેસની તકલીફ રહેવાથી અન્ય ઘણી સ્વાસ્થ્ય સમસ્યાઓનો પણ ખતરો વધે છે. જોકે લવિંગ ગેસ માટેની ઉત્તમ ઔષધી છે. તેના માટે રોજ સવારે ખાલી પેટ 1 ગ્લાસ પાણીમાં 1 લવિંગનો પાઉડર મિક્સ કરીને પીવાથી ફાયદો થશે.

શરદી-ખાંસીમાં રામબાણ

બદલાતી સિઝનમાં મોટાભાગના લોકોને શરદી-ખાંસીની સમસ્યા થવા લાગે છે. તેનાથી રાહત માટે લવિંગનો ઉપયોગ બેસ્ટ છે. શરદી-ખાંસી કે ગળામાં ખારાશની સમસ્યામાં મોંમાં એક લવિંગ રાખી લો. તેનાથી તરત ફાયદો થશે.

મોંની દુર્ગંધ દૂર કરવા

પાયોરિયાની સમસ્યા કે ડિહાઈડ્રેશન અને ભૂખ્યા રહેવાને કારણે મોંમાં દુર્ગંધ આવી શકે છે. લવિંગ એ મોંની દુર્ગંધ દૂર કરવાનો બેસ્ટ ઉપાય છે. સાથે જ તે દાંતનો દુખાવો પણ દૂર કરે છે. તેના માટે રોજ 1 મહિના સુધી સવારે મોંમાં એક સાબૂત લવિંગ રાખીને તેનો રસ ગળવો.

ચહેરાના ડાઘ દૂર કરે

લવિંગ ચહેરાના ડાઘ અને ડાર્ક સર્કલ દૂર કરવામાં પણ મદદ કરે છે. તેના માટે તમારા ફેસપેક અથવા પછી બેસનમાં લવિંગનો ચપટી પાઉડર મિક્સ કરીને લગાવો. ડાયરેક્ટ તેને અપ્લાય કરવું નહીં. નહીં તો બળતરાની સમસ્યા થઈ શકે છે.

વાળ ખરતાં રોકે છે

મોટાભાગના લોકોમાં વાળ ખરવા અને ડ્રાય થવાની સમસ્યા થાય છે. તેના માટે લવિંગ બેસ્ટ છે. પાણીમાં લવિંગને ઉકાળી તે પાણીથી વાળ ધુઓ. તેનાથી વાળને ઘણો ફાયદો થશે.