હેલ્થ ટીપ્સ / હાર્ટ ફેલ થતાં પહેલા શરીર આપે છે આ 5 સંકેત, જો ઓળખી ગયા તો બચી શકે છે જીવ

• હ્રદયની ગતિ ધીમી પડે ત્યારે હાર્ટ અટેક આવવાની સંભાવના વધી જાય
• હાર્ટ અટેક આવતા પહેલા આપણું હ્રદય ઘણા સંકેતો આપે છે

આપણા શરીરમાં સૌથી મહત્વનો કોઈ ભાગ આપણું હ્રદય છે. હ્રદય શરીરના દરેક અંગ સુધી લોહી પંહોચાડવાનું કામ કરે છે. જ્યારે હ્રદય કમજોર થઈ જાય છે ત્યારે એ તેના કામમાં નિષ્ફળ થવા લાગે છે અને તેને કારણે શરીરના ઘણા હિસ્સા પ્રભાવિત થાય છે અને ઘણી વખત ઓર્ગન ફેલિયરનું કારણ પણ બની શકે છે. સાથે જ હ્રદયની ગતિ ધીમી પડે ત્યારે હાર્ટ અટેક આવવાની સંભાવના ઘણી વધી જાય છે. એવી ઘટનામાં હ્રદયની એક કે તેથી વધુ નશ બ્લોક થઈ જાય છે અને શરીરમાં લોહીનું ભ્રમણ બંધ થઈ જાય છે. 

હાર્ટ અટેક આવતા પહેલા આપણું હ્રદય ઘણા સંકેતો આપે છે. તેને સમજવા ખૂબ જ જરૂરી છે. આજે અમે તમને એ સંકેતો વિશે જ જણાવવા જઈ રહ્યા છીએ. 

1. શરીર જકડાઈ જવું 
હાર્ટ અટેક આવતા પહેલા આપણું હ્રદય ઘણા ઇશારા આપે છે તેમાંથી એક છે શરીર જકડાઈ જાય છે. લોહીનું ભ્રમણ ઓછું થવાને કારણે ઘણી વખત ફેફસામાં પ્રવાહી જમા થવાનું શરૂ થઈ જાય છે અને તેને કારણે આ લક્ષણ પણ દેખાય છે. 

2. સોજો આવવો 
જ્યારે હૃદય અસરકારક રીતે લોહી પંપ કરવાની શક્તિ ગુમાવે છે, ત્યારે તે શરીરના નીચેના ભાગોમાંથી વપરાયેલું લોહી પાછું લાવવામાં નિષ્ફળ જાય છે. આનાથી પગ, પગની ઘૂંટી, પેટ અને જાંઘમાં પ્રવાહી એકઠું થાય છે, જેના કારણે સોજો આવે છે.

3. શ્વાસ લેવામાં તકલીફ 
ફેફસાંમાં પ્રવાહી જમા થવાથી કાર્બન ડાયોક્સાઇડ યુક્ત લોહીને તાજા ઓક્સિજન યુક્ત લોહીમાં પરિવર્તિત કરવું મુશ્કેલ બની જાય છે. એ સમયે શ્વાસ લેવામાં તકલીફ થાય છે. 

4. સામાન્ય કામ કરવામાં પણ તકલીફ પડવી 
શ્વાસની તકલીફ અને લોહીના ઓછા પરિભ્રમણને કારણે લોકોને ઘણી વખત શારીરિક પ્રવૃત્તિઓ અને રોજિંદી પ્રવૃત્તિઓ કરવામાં પણ સમસ્યાનો સામનો કરવો પડે છે.

5. થાક 
આવી સ્થિતિમાં લોકોને થાક વધુ લાગે છે કારણકે ઑક્સીજન યુક્ત લોહીને પંપ કરવા માટે હ્રદય પૂરતું સક્ષમ નથી હોતું.  હાર્ટ અટેક પહેલા આપણું હ્રદય આપણેને આવા બધા સંકેતો આપે છે.