SHORT & SIMPLE / દિલ્હી બજેટ પહેલાં મનીષ સિસોદિયાને લઇ CM કેજરીવાલે કર્યું ટ્વિટ, લખ્યું 'Miss You'

• દિલ્હી વિધાનસભામાં બજેટ રજૂ થાય તે પહેલા કેજરીવાલે કર્યું ટ્વિટ
• દિલ્હીના મુખ્યમંત્રી અરવિંદ કેજરીવાલે મનીષ સિસોદિયાને યાદ કરીને કર્યું ટ્વીટ 
• દિલ્હીમાં દરેક વ્યક્તિ આજે મનીષ જીને ખૂબ જ મિસ કરી રહી છે: કેજરીવાલ 

ભારે વિવાદો વચ્ચે આજે એટલે કે બુધવારે દિલ્હી વિધાનસભામાં બજેટ રજૂ કરવામાં આવી રહ્યું છે. દિલ્હીના નાણામંત્રી કૈલાશ ગેહલોત બજેટ રજૂ કરી રહ્યા છે. બજેટને લઈને કેન્દ્ર પર પ્રહાર કરતા દિલ્હીના મુખ્યમંત્રી અરવિંદ કેજરીવાલે કહ્યું કે, દિલ્હીનું બજેટ રોકવું બંધારણની વિરુદ્ધ છે. આ સાથે બજેટ રજૂ કરતા પહેલા સીએમ કેજરીવાલે મનીષ સિસોદિયાને યાદ કર્યા. તમને જણાવી દઈએ કે, ધરપકડ પહેલા મનીષ સિસોદિયા પાસે નાણાં મંત્રાલયની જવાબદારી હતી.

आज दिल्ली का बजट पेश किया जाएगा। दिल्ली के सब लोग आज मनीष जी को बहुत मिस कर रहे हैं। पर उनके काम रुकने नहीं देंगे। उनके द्वारा शुरू किए गए सभी काम दोगुनी स्पीड से किए जाएँगे।

— Arvind Kejriwal (@ArvindKejriwal) March 22, 2023

દિલ્હીના મુખ્યમંત્રી અરવિંદ કેજરીવાલે મનીષ સિસોદિયાને યાદ કરીને ટ્વીટ કર્યું હતું. તેમણે ટ્વિટમાં લખ્યું કે, આજે દિલ્હીનું બજેટ રજૂ કરવામાં આવશે. દિલ્હીમાં દરેક વ્યક્તિ આજે મનીષ જીને ખૂબ જ મિસ કરી રહી છે. પરંતુ તેમનું કામ અટકવા નહીં દે. તેમના દ્વારા શરૂ કરાયેલા તમામ વધુ ઝડપ સાથે  કરવામાં આવશે.