કેબિનેટ વિસ્તરણ પહેલા મોદી સરકારે ફાઈનાન્સ મિનિસ્ટ્રીને મજબૂત બનાવવા માટે લોક ઉદ્યમ નામનો નવો વિભાગ શરુ કર્યો છે.
કેબિનેટ વિસ્તરણ પહેલા મોદી સરકારનો નિર્ણય
નાણા મંત્રાલયમાં લોક ઉદ્યમ નામનો નવો વિભાગ શરુ કર્યો
નાણા મંત્રાલયમાં હવે કુલ છ વિભાગ
લોક ઉદ્યમ વિભાગને હવે નાણા મંત્રાલય હેઠળ લાવવામાં આવ્યો છે. પહેલા આ વિભાગ ભારે ઉદ્યોગ મંત્રાલય હેઠળ આવતો હતો. ભારે ઉદ્યોગ અને લોક ઉદ્યમ મંત્રાલય હવે ફક્ત ભારે ઉદ્યોગ મંત્રાલય તરીકે ઓળખાશે.
નાણા મંત્રી નિર્મલા સીતારામણે બજેટ રજૂ કરતી વખતે આ વાતની જાહેરાત કરી હતી. તે અંગે કેબિનેટ સચિવાલયે મંગળવારે એક અધિસૂચના પણ જારી કરી હતી. નવા વિભાગ સાથે નાણા મંત્રાલયમાં કુલ છ વિભાગ થયા છે.
(1) આર્થિક બાબતોનો વિભાગ
(2) ખર્ચ વિભાગ
(3) મહેસૂલ વિભાગ
(4) રોકાણ અને જાહેર સંપત્તિ પ્રબંધન
(5) નાણાકીય સેવા વિભાગ
(6) લોક ઉદ્યમ વિભાગ
નવા સહકારીતા મંત્રાલયની રચનાની પણ જાહેરાત
મોદી સરકારે સહકાર સે સમૃદ્ધિનું વીઝન સાકાર કરવા માટે સહકારીતા મંત્રાલયની રચનાની પણ જાહેરાત કરી છે. મોદી સરકાર દ્વારા રચિત નવું સહયોગ મંત્રાલય દેશમાં સહકારી ચળવળને મજબૂત બનાવવા માટે અલગ વહિવટીય, કાનૂની અને નીતિગત માળખું તૈયાર કરશે. સાથે નવું મંત્રાલય સહકારીતાને પણ મજબૂત બનાવીને જમીન સ્તરે લોકોને મદદ પુરી પાડશે. સહકાર આધારિત આર્થિક વિકાસને વધારે શક્તિ મળશે.