ઉત્તર પ્રદેશ / જુમ્માની નમાઝ પહેલા CAA પર યોગી સરકાર અલર્ટ, કેટલાક જિલ્લાઓમાં ઇન્ટરનેટ બંધ

• CAA હિંસક પ્રદર્શન દરમિયાન 19ના મોત
• 327 ફરિયાદ, 1113ની ધરપકડ 
• DGPએ કહ્યું- SIT કરશે તપાસ

કેટલાક જિલ્લાઓમાં ઇન્ટરનેટ બંધ છે, જેમાં સહારનપુર, મેરઠ, આગરા, બુલંદશહેર અને બિજનૌર છે. અહીં આજથી જ ઇન્ટરનેટ બંધ કરી દેવામાં આવ્યું છે. રાજ્યના તંત્રએ તમામ જિલ્લાઓના ડીએમ આ છૂટ આપી રાખી છે, જો મામલો સંવેદનશીલ અને સાંપ્રદાયિક તણાવની સંભાવના છે તો સાવચેતીના ભાગરૂપે આ વિસ્તારોમાં ઇન્ટરનેટ બંધ કરી શકો છો.

હિંસક પ્રદર્શન ન થાય તે માટે સરકાર સતર્ક

તંત્રના જણાવ્યા અનુસાર, હાલ પરિસ્થિતિ સામાન્ય છે. કલમ 144 લાગે છે, પરંતુ સાવચેતીના ભાગરૂપે ફરીથી હિંસક પ્રદર્શન ન થઇ શકે.

ઉત્તરપ્રદેશમાં CAA કાયદાના વિરોધમાં ફાટી નીકળી હતી હિંસા

ઉત્તરપ્રદેશમાં નાગરિકતા કાયદા વિરૂદ્ધ ચાલી રહેલ પ્રદર્શન દરમિયાન ફેલાયલ હિંસામાં 19 લોકોના મોત થયા છે. હિંસક પ્રદર્શનના મામલે તંત્ર તરફથી 327 FIR દાખલ કરવામાં આવી છે. જ્યારે 1113ની ધરપકડ કરવામાં આવી છે. આ મામલે હવે પ્રદેશ પોલીસ અધિકારી ઓપી સિંહે જણાવ્યું હતું કે મામલાની તપાસ SIT કરશે.

પ્રદર્શન દરમિયાન હિંસા ફેલાવનાર ઉપદ્રવીઓને શોધીને તેમને નોટિસ મોકલવામાં આવી રહી છે અને તેમની ધરપકડ પણ ચાલી રહી છે અને સંપત્તિને નુકસાનનું આંકલન કરવામાં આવી રહ્યું છે.

હિંસક પ્રદર્શનકારી 26ને નોટિસ જાહેર

સંભલમાં પોલીસે નાગરિકતા કાયદાના વિરોધમાં થયેલ હિંસક પ્રદર્શનોમાં 26 લોકોને શોધીને નોટિસ જાહેર કરવામાં આવી છે. પોલીસ અધીક્ષક યમુના પ્રસાદે ગુરૂવારે જણાવ્યું હતું કે 55 ઉપદ્રવિઓને શોધી લેવામાં આવ્યા છે અને 150 ઉપદ્રવિઓના પોસ્ટર જાહેર કરવામાં આવ્યા છે અને આ શખ્સોની ઓળખ જણાવવા માટે હેલ્પલાઇન નંબર પણ જાહેર કરવામાં આવ્યો છે.

કમલેશ અવસ્થીએ જણાવ્યું કે છેલ્લા દિવસોમાં સંભલમાં થયેલ ઘટનામાં સરકારી સંપત્તિના નુકસાન થયું છે. અત્યાર સુધીમાં 26 લોકોને પસંદ કરીને તેમણે નોટિસ જાહેર કરવામાં આવી છે. જો તે લોકો આની ભરપાઇ ન કરી શકે તો તેની સંપત્તિ જપ્ત કરવામાં આવશે.

પોલીસ અધિકારીએ હિંસાના સંબંધમાં પત્રકારોને જણાવ્યું હતું કે, અત્યાર સુધી 55 લોકોને પસંદ કરવામાં આવ્યા છે જ્યારે દોઢ સો લોકોને પોસ્ટર જાહેર કરવામાં આવ્યા છે, જેમણે હિંસા અને ફાયરિંગ કર્યું હતું. અત્યાર સુધીમાં આ ઘટનામાં 48 લોકોની ધરપકડ કરવામાં આવી છે.