સોશિયલ મીડિયા પર વધારે પડતા એક્ટિવ રહેતા પહેલાં થઇ જાઓ સાવધાન નહીં તો...

નિરાશા અથવા હતાશા અત્યારનો સૌથી ભયંકર રોગ છે અને આ રોગ તમને સોશિયલ મીડિયાના માધ્યમથી પણ લાગી શકે છે. જો તમે Facebook કે અન્ય માધ્યમ જેમ કે WhatsApp Instagram જેવા માધ્યમ પર વધારે પડતા એક્ટિવ રહો છો તો તમને પણ આ રોગ થઇ શકે છે.

આ રોગનું નામ છે ફિયર ઓફ મિસિંગ આઉટ(ફોમો) એટલે કે દુનિયાની દોડમાં પાછળ રહી જવાની ભાવના જ્યારે તમે Facebook પર કે સોશિયલ મીડિયાના અન્ય માધ્યમ દ્વારા કોઇનો ફોટો અથવા પોસ્ટ જોવો છો તો તમારા મનમાં  ઘણી વખત ખૂબ જ ખરાબ વિચારો આવતા હોય છે.

જેમ કે મારા કરતા પેલો કેટલો આગળ વધી ગયો હું ઘણો પાછળ રહી ગયો. આવા વિચારો તમારા મગજ પર ધામા નાખી દે છે અને તમારા મગજને હેંગ કરી નાખે છે. આ પ્રક્રિયા આ રોગનું એક લક્ષણ છે.



ફિયર ઓફ મિસિંગ આઉટ(ફોમો) આ એટલો ભયંકર રોગ છે કે ક્યારે આ રોગ માણસના મગજ પર કબજો કરી લે છે તે ખબર જ નથી રહેતી. આ રોગ માણસને છેક આત્મહત્યા સુધી લઇ જાય છે એક-બીજા પ્રત્યે ઇર્શા પેદા કરે છે અને આ રોગનો શિકાર થયેલ માણસ તણાવમાં આવી છેલ્લે આત્મહત્યા કરી લે છે. 

આ રોગથી બચવા માટે તબીબ કે અન્ય કોઇ દવા કરતાં મહત્વની વસ્તું છે કે જ્યાં સુધી શક્ય હોય ત્યાં સુધી સોશિયલ મીડિયાના વધારે પડતા નજીક ન આવો. જો આવવુ જ પડે તો તેનુ અમુક ટાઇમટેબલ બનાવો આ ઉપરાંત ખુલ્લી હવામાં ફરો મિત્રો કે મનગમતી વ્યક્તિ જોડે વધારેમાં વધારે સમય વિતાવો. જેથી તમે ખૂબ આસાનીથી આ રોગ પર કાબુ મેળવી શકશો.  

1 ક્લિક પર જોડાવો VTV ના સોશિયલ એકાઉન્ટ્સ સાથે...