મહામારી / કેન્દ્ર સરકાર પર રાહુલનો કટાક્ષ, મોદી સરકાર ટ્વિટરના બ્લૂ ટીક માટે લડી રહી છે અને લોકો...

• કોંગ્રેસ નેતા રાહુલ ગાંધીના કેન્દ્ર સરકાર પર પ્રહારો
• મોદી સરકાર બ્લૂ ટીક માટે લડી રહી છે
• લોકોને કોરોનાની વેક્સિન જોઈતી હોય તો આત્મનિર્ભર બને

રાહુલ ગાંધીએ ટ્વિટ કરીને જણાવ્યું કે મોદી સરકાર બ્લૂ ટીક માટે લડી રહી છે. કોવિડની વેક્સિન જોઈએ તો આત્મનિર્ભર બનો. આ પહેલા શનિવારે રાહુલ ગાંધીએ વેક્સિનના મુદ્દે કેન્દ્ર સરકારની ઘેરાબંધી કરી હતી.

ब्लू टिक के लिए मोदी सरकार लड़ रही है-
कोविड टीका चाहिए तो आत्मनिर्भर बनो!#Priorities

— Rahul Gandhi (@RahulGandhi) June 6, 2021

વેક્સિનની ખરીદી કેન્દ્ર સરકાર કરે અને વિતરણ રાજ્ય સરકાર

એક ખબરને શેર કરતા રાહુલે લખ્યું કે વેક્સિનની ખરીદી કેન્દ્ર સરકાર કરે અને વિતરણ રાજ્ય સરકાર- હું આ કહેતો આવ્યો છું. વેક્સિન વિતરણની નિષ્પક્ષ નીતિના અભાવમાં મોદી સરકારની અસમાનતા નીતિ આવું પરિણામ આપશે. 

કોંગ્રેસ મહાસચિવ પ્રિયંકા ગાંધીએ દેશમાં ચાલી રહેલા રસીકરણ અભિયાનને લઈને અનેકવાર કેન્દ્ર સરકાર પર નિશાનો સાધ્યો છે. તેમણે ટ્વીટર પર સરકારને સવાલ પૂછ્યો કે રસી બજેટના 3500 કરોડ રુપિયા ક્યાં ખર્ચ કર્યા છે. પ્રિયંકા ગાંધી રસીકરણના આંકડાને લઈને છેલ્લા કેટલાક દિવસથી સતત સરકારને સવાલ કરી રહ્યા છે. 

રસીના બજેટના 35 હજાર કરોડ ક્યાં ખર્ચ કર્યા? પ્રિયંકા ગાંધી 

પ્રિયંકા ગાંધીએ ટ્વીટર પર લખ્યુ, મે મહિનામાં રસીના ઉત્પાદનની ક્ષમતા -8.5 કરોડ, રસી ઉત્પાદન થયુ 7.94 કરોડ અને રસી લાગી 6.1 કરોડ, જૂનમાં સરકારી દાવો છે કે 12 કરોડ રસી આવશે. ક્યાંથી? શું બન્ને રસી કંપનીઓના ઉત્પાદનમાં 40 ટકાનો વધારો થઈ જશે? રસીના બજેટના 35 હજાર કરોડ ક્યાં ખર્ચ કર્યા? અંધેર વેક્સિન નીતિ, ચોપટ રાજા.’

સ્પીક અપ ફોર ફ્રી યુનિવર્સલ રસીકરણ’ હૈશટેગ અભિયાન ચલાવ્યુ

આ પહેલા બુધવારે પણ તેમણે યૂનિવર્સલ રસીકરણની માંગ કરતા ફેસબુક પર લખ્યું હતુ કે આજે દેશમાં રોજ સરેરાશ 19 લાખ લોકોને રસી લાગી શકી છે. કેન્દ્ર સરકારની ડામાડોળ રસી નીતિએ રસીકરણને અધર તાલ છોડી દીધું છે. કોંગ્રેસે બુધવારે મફત રસીની માંગ કરતા સોશિયલ મીડિયા પર ‘સ્પીક અપ ફોર ફ્રી યુનિવર્સલ રસીકરણ’ હૈશટેગ અભિયાન ચલાવ્યુ છે.