ફૂડ સેફ્ટી સ્ટાન્ડર્ડ ઓથઓરિટીએ એક મહત્વની એડવાઈઝરી જાહેર કરી છે. FSSAIની એડવાઈઝરી પ્રમાણે હવે ફળોને ચમકાવવા માટે વપરાતા મોમ કોટિંગનો ઉપયોગ નહીં થઈ શકે..આ ઉપરાંત હવેથી વેપારી ફળ પર લગાવાતા સ્ટીકર્સનો પણ ઉપયોગ નહીં થઈ શકે.
ફ્રુટ ખરીદતી વખતે રાખજો સાવધાની
FSSAIએ જાહેર કરી એડવાઇઝરી
ફ્રુટને ચમકાવવા વપરાતા મોમ કોટિંગ અને સ્ટીકર લગાવવાની મનાઇ
એડવાઈઝરીનો ભંગ કરનારા વેપારી માટે દંડની જોગવાઈ પણ કરાઈ છે. જો કોઈ વેપારી FSSAIની એડવાઈઝરીનો ભંગ કરશે તો તેને 2 લાખ રૂપિયા સુધીનો દંડ થઈ શખે છે.
સ્ટીકરવાળા ફ્રૂટથી બગડે છે સ્વાસ્થ્ય
ફળો, ખાસ કરીને જેને છાલ સાથે ખાવામાં આવે છે, તે પોલિશિંગ અથવા સ્ટીકરો લગાવીને વેચી શકાતા નથી. આને લીધે, ફળની પ્રાકૃતિકતા સમાપ્ત થવાનો ભય છે. નિષ્ણાંતોના કહેવા મુજબ, પોલિશ્ડ અથવા સ્ટીકર ફળોનો ઉપયોગ તેમને ધોયા વિના કરવાથી તેમનું સ્વાસ્થ્ય બગડે છે.
વેપારીઓ સ્ટીકરમાં બેસ્ટ ક્વોલિટી ગ્રાહકોને ભરમાવે છે
ઉલ્લેખનીય છે કે, FSSAIના ધ્યાને આવ્યુ હતું કે વેપારીઓ સ્ટીકરમાં બેસ્ટ ક્વોલિટીના નામ લખીને ગ્રાહકોને ભરમાવે છે. આ ઉપરાંત સ્ટીકરમાં જે ગુંદનો ઉપયોગ થાય છે તે પણ આરોગ્ય માટે હાનિકારક છે.