મહેનતનું ફળ / ટી-20 વર્લ્ડ કપ જીતનારી મહિલા ક્રિકેટ ટીમ પર જય શાહ મહેરબાન, જાહેર કર્યું મોટું ઈનામ

• અંડર-19 ટી-20 વર્લ્ડ કપ જીતનારી ક્રિકેટ ટીમ માટે ઈનામનું એલાન
• ટીમ અને સપોર્ટ સ્ટાફને મળશે 5 કરોડનું ઈનામ
• જય શાહે મહિલા ટીમને  મોદી સ્ટેડિયમમાં આવવાનું આપ્યું આમંત્રણ 
• બીસીસીઆઈ સેક્રેટરી જય શાહનું ટ્વિટ 

ઈંગ્લેન્ડને હરાવીને અંડર-19 ટી20 વર્લ્ડ કપ જીતનારી ભારતીય મહિલા ટીમ માટે મોટા ઈનામની જાહેરાત કરાઈ છે. ટી20 વર્લ્ડ કપ જીત્યા બાદ બીસીસીઆઈ સેક્રેટરી જય શાહે ટ્વિટ કરીને ટીમને અભિનંદન આપતાં તેમને માટે 5 કરોડના ઈનામની જાહેરાત કરી હતી. 

BCCI Secretary Jay Shah announces Rs 5 crore prize money for Women's U19 cricket team and support staff. pic.twitter.com/nYnZ4MUa7q

— ANI (@ANI) January 29, 2023

મહિલા ટીમને અમદાવાદના મોદી સ્ટેડિયમમાં આવવાનું આમંત્રણ 
જય શાહે ટીમની જીતની ઉજવણી કરવા માટે દેશ પરત ફરતાં સમગ્ર ટીમને અમદાવાદના વિશ્વના સૌથી મોટા નરેન્દ્ર મોદી ક્રિકેટ સ્ટેડિયમમાં પણ આમંત્રણ આપ્યું છે, જ્યાં ટીમનું સન્માન કરવામાં આવશે. આ સ્ટેડિયમમાં મેન્સ ક્રિકેટમાં ભારત અને ન્યુઝીલેન્ડ વચ્ચેની ત્રીજી અને આખરી ટી-20 રમાવાની છે. 

ભારતીય મહિલા ટીમે પ્રથમ વાર જીત્યો વર્લ્ડ કપ 
ભારતીય મહિલા ટીમે પ્રથમ વખત વર્લ્ડ કપનો ખિતાબ જીત્યો છે. અગાઉ સિનિયર ટીમ કેટલાક પ્રસંગે ફાઇનલમાં પહોંચવામાં સફળ રહી હતી પરંતુ ટાઇટલ જીતી શકી નહોતી. હવે ભારતની યુવા બ્રિગેડે આ સપનું સાકાર કર્યું છે.

I invite @TheShafaliVerma and her victorious team to join us at the Narendra Modi Stadium, Ahmedabad and witness the third T20I on 1st February. This humongous achievement surely calls for a celebration.@BCCI @BCCIWomen

— Jay Shah (@JayShah) January 29, 2023

Congratulations to the Indian Team for a special win at the @ICC #U19T20WorldCup. They have played excellent cricket and their success will inspire several upcoming cricketers. Best wishes to the team for their future endeavours. https://t.co/BBn5M9abHp

— Narendra Modi (@narendramodi) January 29, 2023

ફાઈનલમાં ઈંગ્લેન્ડને આપ્યો સાત વિકેટે પરાજય 
ભારતીય અંડર-19 મહિલા ટીમે ટી-20 વર્લ્ડ કપની ફાઈનલમાં ઈંગ્લેન્ડને સાત વિકેટે પરાજય આપ્યો હતો. ભારતે 36 બોલ બાકી હતા ત્યારે આસાનીથી લક્ષ્યાંક હાંસલ કરી લીધો હતો. પહેલા બેટિંગ કરીને ઈંગ્લેન્ડની ટીમ ફક્ત 68 રનમાં ઓલઆઉટ થઈ ગઈ હતી. ભારત વતી સૌમ્યા તિવારી 24 રન બનાવી અણનમ રહી હતી. સાથે જ જી.ત્રિશાએ પણ 24 રન બનાવ્યા હતા. કેપ્ટન શેફાલી વર્માએ ટીમની ઝોળીમાં 15 રન ઉમેર્યાં હતા.