IPLIN
 
  • Home
  • India
  • BCCI Annual General Meeting approves Women's IPL

ક્રિકેટ / મહિલાઓ પણ IPLમાં રમશે, BCCIએ મહિલા IPLને આપી લીલીઝંડી, જાણો ક્યારે રમાશે, કેટલી ટીમ હશે

Team VTV 04:37 PM, 18 Oct 22 | Updated: 04:39 PM, 18 Oct 22
Follow us
BCCI Annual General Meeting approves Women's IPL

ભારતીય ક્રિકેટ કંટ્રોલ બોર્ડ સત્તાવાર રીતે મહિલા આઈપીએલને લીલીઝંડી આપી દેતા હવે માર્ચ 2023માં તે શરુ થશે.

  • BCCIની વાર્ષિક સામાન્ય બેઠકમાં મહિલા આઈપીએલને મળી લીલીઝંડી
  • માર્ચ 2023માં મહિલા આઈપીએલ માટે ખેલાડીઓની હરાજી શરુ થઈ જશે 
  • 26 ફેબ્રુઆરી 2023 પછી મહિલા આઈપીએલ શરુ થવાની સંભાવના 

ભારતીય ક્રિકેટ કંટ્રોલ બોર્ડ મંગળવારે યોજાયેલી 91મી વાર્ષિક સાધારણ સભામાં મહિલા આઈપીએલની મંજૂરી આપી દેવામાં આવી છે. બીસીસીઆઈએ એક સત્તાવાર અખબારી યાદીમાં જણાવ્યું હતું કે, "જનરલ બોડીએ વિમેન્સ ઇન્ડિયન પ્રીમિયર લીગના આયોજનને મંજૂરી આપી હતી.

26 ફેબ્રુઆરી 2023 પછી પાંચ ટીમોની મહિલા આઈપીએલ રમાશે 

આગામી વર્ષે 26 ફેબ્રુઆરીએ આઇસીસી વિમેન્સ ટી-20 વર્લ્ડ કપના સમાપન બાદ તરત જ મહિલા આઈપીએલ શરુ થશે જેમાં પાંચ ટીમ હશે. બીસીસીઆઇના પ્રસ્તાવ પ્લાનમાં 22 મેચોનો સમાવેશ થાય છે અને દરેક ટીમમાં 18 ખેલાડીઓ ભાગ લેશે, જેમાં વધુમાં વધુ છ વિદેશી ખેલાડીઓ હશે. પાંચથી વધુ વિદેશી ખેલાડીઓ એક સાથે પ્લેઇંગ ઇલેવનમાં એક સાથે રમી શકતા નથી, જેમાં પૂર્ણ-સભ્ય રાષ્ટ્રના ચાર અને એક સહયોગી ટીમના ખેલાડીઓ હશે. 

મહિલા આઈપીએલના કાર્યક્રમ નક્કી નહીં, બીસીસીઆઈએ સત્તાવાર મંજૂરી આપી 
જોકે બીસીસીઆઇએ હાલમાં મહિલા કાર્યક્રમ નક્કી કર્યો નથી પરંતુ તેને સત્તાવાર રીતે મંજૂરી આપી છે.  પુરુષોની આઈપીએલ માર્ચમાં શરૂ થાય તેવી શક્યતા છે. 

Women IPL 2023 Women IPL news BCCI મહિલા આઈપીએલ મહિલા આઈપીએલ ન્યૂઝ બીસીસીઆઈ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ