ઉદ્ઘાટન / Photos: 18 લાખ ઈંટો, 700 કરોડનો ખર્ચ... જુઓ કેટલું ભવ્ય છે અબુ ધાબીનું BAPS મંદિર, તસવીરો જોઈ મંત્રમુગ્ધ થઈ જશો

• UAEમાં હિન્દુ મંદિર તૈયાર છે
• PM મોદી 14 ફેબ્રુઆરીએ તેનું ઉદ્ઘાટન કરશે
• મંદિર બનાવવા માટે 700 કરોડ રૂપિયાનો ખર્ચ થયો હતો

 UAEમાં અબુ ધાબીમાં એક ભવ્ય હિન્દુ મંદિર બનાવવામાં આવ્યું છે. BAPS હિંદુ મંદિરનું ઉદ્ઘાટન 14 ફેબ્રુઆરીએ પીએમ મોદી દ્વારા કરવામાં આવે તેવી શક્યતા છે. હાલમાં મંદિરને આખરી ઓપ આપવામાં આવી રહ્યો છે. પીએમ મોદી 13 ફેબ્રુઆરીએ અબુધાબીના શેખ જાયદ સ્ટેડિયમ ખાતે અહલાન મોદી કાર્યક્રમમાં ભારતીય સમુદાયને સંબોધિત કરવાના છે. આ પછી 14 ફેબ્રુઆરીએ તેઓ મંદિર સંબંધિત એક કાર્યક્રમમાં ભાગ લેશે. 

હાલમાં જ 42 દેશોના રાજદૂત અને તેમના જીવનસાથી મંદિર પહોંચ્યા હતા. તેમને UAEમાં ભારતના રાજદૂત સંજય સુધીર દ્વારા આમંત્રણ આપવામાં આવ્યું હતું. તેમણે આ મંદિરના પૂર્ણ થવા પર ઉત્સાહ વ્યક્ત કર્યો અને કહ્યું કે જે એક સમયે અશક્ય લાગતું હતું તે હવે વાસ્તવિકતા બની ગયું છે. મંદિરના પ્રોજેક્ટના વડા સ્વામી બ્રહ્મવિહારીદાસે મંદિરના ઐતિહાસિક મહત્વ, નિર્માણ પ્રક્રિયા અને વૈશ્વિક અસર વિશે માહિતી આપી હતી.

આ મંદિર પશ્ચિમ એશિયામાં પથ્થરોથી બનેલું સૌથી મોટું મંદિર હશે. મંદિર બનાવવામાં 700 કરોડ રૂપિયાથી વધુનો ખર્ચ કરવામાં આવ્યો છે. આ મંદિરની રચના ખૂબ જ કાળજીપૂર્વક કરવામાં આવી છે. તેમાં સાત મિનારા છે જે દેશના સાત અમીરાતનું પ્રતિનિધિત્વ કરે છે. આ મંદિર વિસ્તાર 27 એકર જમીનમાં બનાવવામાં આવ્યો છે. આ મંદિરના નિર્માણ માટે ગુલાબી રેતીના પથ્થરને ઉત્તર રાજસ્થાનથી અબુ ધાબી લઈ જવામાં આવ્યો હતો.

વધુ વાંચોઃ VIDEO: માઇનસ 20 ડિગ્રી તાપમાનમાં લદ્દાખમાં કેમ રસ્તા પર ઉતર્યા હજારો લોકો? ઉગ્ર બન્યું આંદોલન

મંદિર માટે માર્બલ ઇટાલીથી લાવવામાં આવ્યો છે. કાર્બન ફૂટપ્રિન્ટ ઘટાડવા માટે મંદિરના પાયામાં કોંક્રિટ મિશ્રણ સાથે ફ્લાય એશનો ઉપયોગ કરવામાં આવ્યો હતો. અબુ ધાબી હિન્દુ મંદિર એશિયાનું સૌથી મોટું મંદિર છે, જેની ઊંચાઈ 32.92 મીટર, લંબાઈ 79.86 મીટર અને પહોળાઈ 54.86 મીટર છે. આ મંદિરને સંપૂર્ણ રીતે બનાવવામાં 18 લાખ ઈંટોનો ઉપયોગ કરવામાં આવ્યો છે.