જો તમારી પાસે બેંકથી જોડાયેલા કોઇ અગત્યના કામકાજ બાકી રહ્યા હોય તો આગામી 1 દિવસમાં જ આ તમામ કામકાજ પૂર્ણ કરી લેવા જોઇએ. કારણે કે 8 જાન્યુઆરી(બુધવાર)ના રોજ દેશના અલગ-અલગ બેંક યુનિયનો હડતાલ યોજવાના છે. આ હડતાલના કારણે બેંકના કામકાજ પર અસર જોવા મળશે, જેના કારણે અગત્યના કામકાજ અટકી જશે.
દેશભરમાં યોજાશે બેંક હડતાલ
8 તારીખે બેંક યુનિયન હડતાલ પર
આજે પૂર્ણ કરી લો બેંકના કામકાજ
ત્યારે SBI અને સિંડિકેટ બેંકે શેર બજારને આ મામલે તૈયારી રાખવા જણાવ્યું છે. SBI એ જણાવ્યું કે, હડતાલમાં ભાગ લેનારા યુનિયનોમાં અમારા બેંક કર્મીઓની સંખ્યા ખૂબ જ ઓછી હશે, જેથી બેંકના કામકાજ પર હડતાલની ઓછી અસર જોવા મળશે.
બેંકના કામકાજ પડશે અસર
આ તરફ સરકારી ક્ષેત્રની સિંડિેકેટ બેંકે જણાવ્યું હતું કે, તે સૂચિત હડતાલને ધ્યાનમાં રાખાની કામકાજને સામાન્ય રાખવા માટે ખાસ પગલા ઉઠાવવામાં આવશે. નોંધનીય છે કે, સિંડિકેટ બેંકની હડતાલના કારણે શાખાઓનું કામકાજ પ્રભાવિત થઇ શકે છે.
દેશવ્યાપી હડતાલનું એલાન
10 કેન્દ્રીય મજૂર સંગઠનોએ કેન્દ્ર સરકાર પર મજૂર વિરોધી નીતિઓને પ્રોત્સાહન આપવાનો આરોપ મૂક્યો છે અને તેને ધ્યાનમાં રાખીને 8 જાન્યુઆરીએ દેશવ્યાપી હડતાલનું એલાન કર્યું છે. હડતાલમાં ઓલ ઇન્ડિયા બેંક એમ્પ્લોઇઝ એસોસિએશન, બેંક એમ્પ્લોઇઝ ફેડરેશન ofફ ઇન્ડિયા, ઇન્ડિયન નેશનલ બેંક એમ્પ્લોઇઝ ફેડરેશન અને ઇન્ડિયન નેશનલ બેંક ઓફિસર્સ કોંગ્રેસનો સમાવેશ થાય છે.