દરેક વ્યક્તિની ઈચ્છા હોય કે તેને પોતાનુ ઘર હોય. આ સપનાને પૂર્ણ કરવા માટે લોકો આખુ જીવન પરિશ્રમ કરે છે. પરંતુ પ્રોપર્ટીના વધી રહેલા ભાવને કારણે આ સપનાને પૂર્ણ કરવામાં ખૂબ મુશ્કેલી આવે છે. જો તમે પણ સસ્તામાં ઘર, ફ્લેટ અથવા દુકાન ખરીદવા માંગો છો તો બેંક ઑફ બરોડા તમારા માટે સારી તક લઇને આવ્યું છે.
તમારે સસ્તામાં ઘર, ફ્લેટ અને દુકાન ખરીદવી છે?
ગ્રાહકો માટે બેંક ઑફ બરોડા સારી તક લાવ્યું છે
બેંક 24 માર્ચ 2022ના રોજ એક મેગા ઈ-ઑક્શનનુ કરશે આયોજન
ઈ-ઑક્શનમાં ભાગ લો અને ખરીદો તમારી ડ્રીમ પ્રોપર્ટી
બેંક 24 માર્ચ 2022ના રોજ એક મેગા ઈ-ઑક્શનનુ આયોજન કરવાનુ છે, જેના દ્વારા બેંક પ્રોપર્ટી લોન લઇને પાછી ના ભરનારા ગ્રાહકોના મકાન, દુકાન વગેરે વેચીને તેના પૈસા વસૂલી લે છે. આ મામલે બેંકે તેના સત્તાવાર ટ્વિટર એકાઉન્ટ પર ટ્વિટ કરી જાણકારી આપતા જણાવ્યું, હવે કરો તમારી લાઈફનું બેસ્ટ ઈન્વેસ્ટમેન્ટ. 24 માર્ચ 2022થી બેંક ઑફ બરોડાના મેગા ઈ-ઑક્શનમાં ભાગ લઇને ખરીદો તમારી ડ્રીમ પ્રોપર્ટી.
બેંક ઑફ બરોડાના મેગા ઈ-ઑક્શનમાં ભાગ લેવાની પ્રક્રિયા
જો તમે પહેલાથી જ બેંક ઑફ બરોડાની આ પ્રોપર્ટી હરાજીમાં ભાગ લેવા માંગો છો તો તેના માટે તમારે સૌથી પહેલા eBkray પોર્ટલ પર ક્લિક કરવુ પડશે. ઉલ્લેખનીય છે કે આ પોર્ટલ દ્વારા બેંક ગિરવી રાખવામાં આવેલી બધી પ્રોપર્ટીની હરાજી કરે છે. આ પોર્ટલની ખાસ વાત એ છે કે તમે કોઈ પણ રજીસ્ટ્રેશન કર્યા વગર પણ આ પોર્ટલ પર એક્સેસ કરી હરાજી થનારી પ્રોપર્ટીની યાદી જોઈ શકો છો. જેમાં તમે તમારી બેંક, સ્ટેટ અને જિલ્લાની જાણકારીના ઑપ્શનની પસંદગી કરો. ત્યારબાદ ઈ-ઑક્શનમાં બોલી લગાવીને તમારી પ્રોપર્ટી ખરીદી લો.