સરાહનીય / ડૉક્ટરોએ બનાસકાંઠામાં કોરોનાગ્રસ્ત સગર્ભા યુવતીની સફળ પ્રસુતિ કરાવી, બાળક સંપૂર્ણ સ્વસ્થ

• બનાસકાંઠામાં કોરોના ગ્રસ્ત યુવતીની સફળ પ્રસુતિ કરાઈ બાળક સંપૂર્ણ સ્વસ્થ
• કોરોના વોરિયર્સ ડૉક્ટરો અને મેડિકલ સ્ટાફની સફળ કામગીરી
• બાળકનો કોરોના ટેસ્ટ કરાયો, રિઝલ્ટ બાકી 

બનાસકાંઠામાં આવેલી બનાસ મેડિકલ કોલેજની કોવિડ હોસ્પિટલમાં સારવાર લઈ રહેલી 27 વર્ષીય યુવતી સગર્ભા હતી. અંતિમ મહિનો ચાલતો હોવાથી ડૉક્ટર તેની પ્રસુતિ માટે સાવચેત હતા. પરંતુ બાળક સ્વસ્થ હશે કે કેમ એ અંગે ડૉક્ટરો મુજવણમાં હતા. જોકે કોરોના વોરિયર્સ એવા ડૉક્ટરોએ સંપૂર્ણ સાવચેતી જાળવી આજે સવારે યુવતી પ્રસુતિ કરાવી છે. 

ડૉક્ટરોના કહેવા મુજબ કોરોના ગ્રસ્ત પ્રસુતા યુવતી અને બાળક બંને ખુબ જ સ્વસ્થ છે. આ ઉપરાંત બાળકનો કોરોના ટેસ્ટ પણ કરાયો છે. જેનો રિપોર્ટ પેન્ડીંગ છે. આ ઉપરાંત તેઓએ ઉમેર્યું કે બાળક સ્વસ્થ રહેશે તેની અમે પુરી કાળજી લઈ રહ્યા છીએ.  યુવતી ગઠામણ ગામની હોય ગામના લોકો અને પરિવારમાં પણ આનંદનો માહોલ છે . જો કે કોરોનાના કારણે બાળકને પરિવારને સોપાયું નથી . તે હાલ મેડિકલ દેખરેખમાં જ છે.