નવી પહેલ / અહીં સરકારી ઓફિસમાં પ્લાસ્ટિકની બોટલમાં પાણી નહીં મળે, કારણ જાણીને કહેશો આ નિયમ તો બધે લાગુ કરવો જોઈએ!

• મધ્યપ્રદેશની સરકારના નિર્દેશોનું અમલીકરણ
• સાગર જિલ્લાની કલેક્ટર ઓફિસો માટે લેવાયો નિર્ણય
• ઑફિસોમાં પ્લાસ્ટિકની બોટલ પર પ્રતિબંધ 

સિંગલ યુઝ પ્લાસ્ટિકનો ઉપયોગ ઓછામાં ઓછો કરવામાં આવે તેમ અવારનવાર રાજ્યસરકારો દ્વારા અપીલ કરવામાં આવે છે.  કારણ કે દુનિયામાં પ્લાસ્ટિકના કચરો વધી રહ્યો છે.  તેવામાં વિશ્વ પર્યાવરણ દિવસ પર મધ્યપ્રદેશની શિવરાજ સરકારે પર્યાવરણના સંરક્ષણને લઇને ઓફિસમાં પ્લાસ્ટિકની બોટલો ન વાપરવા અપીલ કરી હતી,. જેની અસર હાલમાં જોવા મળી રહી છે. 

પાણીની બોટલ ઘરેથી લાવવી પડશે

એક મીડિયા રિપોર્ટ અનુસાર મધ્યપ્રદેશના સાગર જિલ્લામાં નવી પહેલની શરૂઆત કરવામાં આવી છે. જેને લઇને હવે ડીએમ કાર્યાલય કે કલેક્ટ્રેટ કાર્યાલયમાં પ્લાસ્ટિકની બોટલોથી પાણીનુ સપ્લાય નહીં કરવામાં આવે. અહીં કામ કરનાર તમામ લોકોએ ઘરેથી જ પોતાના માટે પાણીની બોટલ લાવવી પડશે..

પર્યાવરણીય પહેલ

આ પહેલ સાગર જિલ્લાની કલેક્ટર કચેરી દ્વારા શરૂ કરવામાં આવી છે. કચેરીના જણાવ્યા અનુસાર તમામ અધિકારીઓને પોતાની પાણીની બોટલ લાવવાની અપીલ કરવામાં આવી છે. પર્યાવરણને ધ્યાનમાં રાખીને આ પહેલ કરવામાં આવી રહી છે. 

કડક મોનિટરીંગ કરવામાં આવશે 

ઓફિસમાં પ્લાસ્ટિકની પાણીની બોટલનો ઉપયોગ ન થાય તે માટે ખાસ મોનિટરીંગ કરવામાં આવશે. સાગરના અધિક કલેક્ટર આ બાબતનું મોનિટરીંગ કરશે કે કાર્યાલયોની બેઠકોમાં પ્લાસ્ટિકની બોટલનો ઉપયોગ ન કરવામાં આવે. એ પણ સુનિશ્ચિત કરવામાં આવશે કે તમામ અધિકારીઓ અને કર્મચારીઓ પાણીની બોટલ પોતે ઘરેથી લઇને આવશે. 

અન્ય કચેરીઓમાં પણ લાગુ પડશે આ નિયમ

આ પહેલની શરૂઆત સૌથી પહેલા કલેક્ટર કાર્યાલયથી પ્રારંભ થશે. તે બાદ તમામ સરકારી ઑફિસોમાં આ નિયમ લાગુ કરવામાં આવશે.  મહત્વનું છે કે વિશ્વ પર્યાવરણ દિવસ પર સીએમ શિવરાજ સિંહ ચૌહાણ દ્વારા પાણી બચાવવા, વૃક્ષો વાવવા, વીજળીની બચત કરવા તેમજ કાર્બન ઉત્સર્જન ઓછુ કરવાના નિર્દેશ આપ્યા હતા.