અનોખો કિસ્સો / 2 જનનાંગો સાથે જન્મેલા બાળકને મળ્યું નવું જીવન, ડોક્ટરોએ સફળતા પૂર્વક પાર પાડ્યું અઘરું ઓપરેશન

• બાળકનો સ્ત્રી અને પુરુષના જનનાંગ સાથે જન્મ્યો 
• એક લાખ બાળકોમાં એક બાળક આવું જન્મ લે છે
• તબીબોએ સફળ ઓપરેશન કરી વિચિત્ર કિસ્સાનું નિદાન કર્યું 

આજના કળિયુગમાં અનેક ચિત્ર-વિચિત્ર ઘટનાઓ સામે આવતી હોય છે કેટલીક ઘટનાઓ તો એવી હોય છે જે આપને હેરાન કરી મુકે છે આપણે નજર સામે જોવા છતાં પણ માન્યામા આવતી નથી  આવો જ એક કિસ્સો બનાસકાંઠામાં આવેલી જનરલ હોસ્પિટલમાં સામે આવ્યો હતો બનાસકાંઠાના પાલનપુરમાં જ્યા એક બાળકનો જન્મ બે જનનાંગ સાથે થયો હતો.   

પરિવાર પણ મુંજવણમાં મુકાઈ ગયો 

પાલનપુરની જનરલ હોસ્પિટલમાં નવ વર્ષ પહેલા એક અજીબોગરીબ કિસ્સો સામે આવ્યો હતો જેમાં એક બાળક સ્ત્રી અને પુરુષ એમ બંનેના જનનાંગો સાથે જન્મ્યો હતો. આ જાણી સૌ કોઈ સ્થબ્ધ થઈ ગયું હતું મેડિકલ સાયન્સના ઈતિહાસમાં બનેલી આવી વિચિત્ર ઘટનાને લઈ ડોક્ટરો પણ ચિંતામાં મુકાઈ ગયા હતા. એક બાળક સ્ત્રી અને પુરુષના જનનાંગો સાથે જન્મ્યો હોય તેવી આ કદાચ વિશ્વની પહેલી ઘટના હશે આ જાણી પરિવાર પણ મુંજવણમાં મુકાઈ ગયો હતો. 

એક લાખ બાળકોમાં એક બાળક જન્મતુ હોય છે

આવી સ્થિતિમાં બાળકની માતાએ બાળકને લઈને અનેક જગ્યાએ બાળકની સારવાર કરાવી પરતું કોઈ જગ્યાએ સારવાર ન મળતા પરિવારજનો મુશ્કેલીમાં મુકાઈ ગયા હતા પરિવાજનોની આર્થિક પરિસ્થિત પણ એવી ન હતી પરિવારે સતત 9 વર્ષથી અલગ અલગ હોસ્પિટલમાં બતાવી તેનું નિદાન કરાવવાના પ્રયાસો કર્યા હતા પરંતુ પરિવારની આર્થિક સ્થિતિ ખૂબ જ નબળી હોવાના કારણે આખરે આ પરિવારે બનાસ મેડિકલ કોલેજ અંતર્ગત આવેલી પાલનપુર જનરલ હોસ્પિટલમાં તેની સારવાર કરાવવાનું નક્કી કર્યું.  ડોક્ટરનું માનીએ તો આમ તો આવી ઘટનાઓ ભાગ્યેજ બનતી હોય છે અને એક લાખ બાળકોમાં આવુ માંડ એક બાળક જન્મતુ હોય છે, આવા લક્ષણો ધરાવતી સ્થિતિને મેડિકલની ભાષામાં સ્યુડો હરમોપ્રોડીટીઝમ કહેવાય છે. 

બાળકનું તબીબોએ કર્યું સફળ ઓપરેશન

પાલનપુર સિવિલ હોસ્પિટલમાં પણ ડો. સુનીલ જોશી સહિત ત્રણ તબીબોની ટીમે વિવિધ પ્રકારના ટેસ્ટ કરાવવા બાદ આ બાળકમાં સૌથી વધુ સ્ત્રી તત્વ હોવાનું જાણવા મળ્યું હતું તેમજ  બાળકના પરિવારની ઈચ્છા પણ બાળકને સ્ત્રી તરીકે રાખવાની ઈચ્છા હોવાથી તબીબોએ બાળકના પુરુષ તરીકેના જનનાંગોનું ઓપરેશન કર્યું હતું. ત્રણ તબીબોએ સતત દોઢ કલાક સુધી સફળ ઓપરરેશન કરી બે જનનાંગ સાથે જન્મેલા બાળકોને મુક્ત કર્યો હતો અત્યારે હવે આ બાળક સ્થિતિ સ્વસ્થ જણાઈ રહી છે આ અંગે ડો. સુનિલ જોશીએ જણાવ્યું હતું કે 40 વર્ષના તબીબી ક્ષેત્રમાં બીજીવાર આવી ઘટના જોઈ છે, જો કે આવું ભાગ્યે જ બનતું હોય છે