VIDEO / 'મહિલાઓ કપડાં ન પહેરે તો પણ સારી લાગે છે', ડે.સીએમની પત્ની સામે બોલ્યાં બાબા રામદેવ

• ગુરુ બાબા રામદેવનો વીડિયો વાયરલ
• યોગ તાલીમ કેમ્પમાં આપ્યું વિવાદાસ્પદ નિવેદન
• કહ્યું, મહિલાઓ કપડાં વગર પણ સારી લાગે છે 

પોતાના નિવેદનોને કારણે હંમેશા ચર્ચામાં રહેતા યોગ ગુરુ બાબા રામદેવનો એક વીડિયો આજકાલ સોશિયલ મીડિયા પર સતત વાયરલ થઈ રહ્યો છે, જેમાં તેમણે મહિલાઓના ડ્રેસ પર એવી કોમેન્ટ કરી જેને લઈને વિવાદ પેદા થયો છે અને રાજકીય અને સામાજિક વર્તુળોમાં તેમના આ નિવેદનની ટીકા થઈ રહી છે. 

#WATCH Ramdev Baba made objectionable remarks about women said, "Women look good even if they do not wear anything"#RamdevBaba #women #WomensRights #sexist #Objectifyingwomen pic.twitter.com/f9iZUV9kj3

— Ashmita Chhabria (@ChhabriaAshmita) November 25, 2022

ટ્રેનિંગ કેમ્પમાં આપ્યું વિવાદાસ્પદ નિવેદન 
રામદેવ દ્વારા આયોજિત એક ટ્રેનિંગ કેમ્પમાં ભાગ લેવા માટે મહિલાઓ પોતાના યોગ કપડાં અને સાડીઓ પણ લઈને આવી હતી. ટ્રેનિંગ કેમ્પ બાદ તરત જ મીટિંગ શરૂ થઈ ગઈ હોવાથી ઘણી મહિલાઓને કપડાં બદલવાનો સમય ન મળ્યો અને તેમણે પોતાના યોગા સૂટમાં જ કેમ્પમાં ભાગ લીધો. જેને જોતા રામદેવે કહ્યુ કે જો તેમની પાસે સાડી પહેરવાનો સમય નથી તો તેનાથી કોઈ ફરક નથી પડતો. મહિલાઓ તમામ ડ્રેસમાં સારી લાગે છે અને તેઓ કપડાં વગર પણ સારી લાગે છે. 

મંચ પર હાજર હતા ફડણવીસની પત્ની અમૃતા 
રામદેવે મહિલાઓના કપડા પર નિવેદન આપ્યું ત્યારે થાણેથી શિવસેનાના સાંસદ શ્રીકાંત શિંદે, મહારાષ્ટ્રના ઉપ મુખ્યમંત્રી 
દેવેન્દ્ર ફડણવીસની પત્ની અમૃતા ફડણવીસ અને અન્ય જાણીતી હસ્તીઓ પણ હાજર હતી. 

સોશિયલ મીડિયામાં વાયરલ થયું નિવેદન 
રામદેવનું આ નિવેદન સોશિયલ મીડિયા પર સતત વાયરલ થઇ રહ્યું છે. આ ટિપ્પણી માટે બાબા રામદેવનો વિરોધ કરવામાં આવી રહ્યો છે.