દમદાર મસલ્સ, સિક્સ પેક એબ્સ અને ઘાટીલો ચહેરો, આવો છે બાગી-3માં રોનીનો લુક. પોતાના ભાઈને મુશ્કેલીમાં જોઈને તેને બચાવવા તે ક્યાંય પણ જઈ શકે છે અને પછી એ ગુંડાઓને મેથીપાક આપવામાં રોની કંઈ જ બાકી મૂકતો નથી. પરંતુ અચાનક જ ફિલ્મની કહાનીમાં ટ્વિસ્ટ આવે છે અને વિક્રમને સીરિયાાં જેશ-એ-લશ્કર ગ્રુપના આંતકીઓ કિડનેપ કરી લે છે અને બસ અહીંથી જ શરૂ થાય છે ભાઈ માટે રોનીનું રેસ્ક્યૂ મિશન.
નિર્દેશક અહમદ ખાને બાગી 3ને એક શાનદાર એક્શન એન્ટરટેનર ફિલ્મ બનાવવામાં બિલ્કુલ કચાશ રાખી નથી. ફિલ્મમાં લીડ હીરોના ચહેરાને એક્સપ્રેશન વગરનો રાખવામાં આવ્યો છે જેથી એ ફિલ્મમાં ખૂંખાર દેખાય. હાલ ટાઈગર શ્રોફ બોલિવૂડમાં સૌથી વધુ કમાણી કરતો એક્શન સ્ટાર બની ગયો છે અને આ ફિલ્મમાં પણ તેણે જબરદસ્ત એક્શન સીન્સનો જલવો દેખાડ્યો છે. તેની પર્ફેક્ટ બોડી અને દમદાર એટિટ્યૂડથી દરેક એક્શન સીન પડદા પર એકદમ રિયલ દેખાય છે.
સ્ટોરી
જોકે, ફિલ્મમાં એક્શન સીનની સાથે ઈમોશનલ અને કોમેડી પણ દેખાડવામાં આવી છે. ફિલ્મમાં શ્રદ્ધા ખૂબ જ ગ્લેમરસ દેખાઈ રહી છે અને ફર્સ્ટ હાફમાં તેના કેટલાક કોમિક સીન પણ હસાવશે.
A post shared by Tiger Shroff (@tigerjackieshroff) on
જોકે, શ્રદ્ધાનો રોલ ફિલ્મમાં કંઈ ખાસ નથી એટલે તેને વધુ દેખાડવામાં આવી નથી. બીજી તરફ સમજાતું નથી કે રિતેશ દેશમુખની ભૂમિકા મહત્વની હોવા છતાં તે સ્લોમેન ચાઈલ્ડ તરીકે કેમ વર્તી રહ્યો છે. તેને સતત પ્રોટેક્શનની જરૂર કેમ પડે છે. આશ્ચર્યની વાત એ છે કે, ફિલ્મમાં તેને નબળો દર્શાવાયો હોવા છતાં પોલીસનો રોલ આપવામાં આવ્યો છે અને તેની પર્ફોમન્સમાં એટલો દર નથી જેટલી ફિલ્મની ડિમાન્ડ છે. આ સાથે જ ફિલ્મનું અંત પણ ઘણું જ અજીબોગરીબ દેખાડ્યું છે, જે દર્શકો પચાવી શકે એવું નથી.
મ્યુઝિક
એક તરફ સીરિયાનો સેટઅપ તમને ડરામણો લાગશે. ત્યારે બીજી તરફ મુખ્ય વિલન અબૂ જલાલ (જમીલ ખોરી)ને બાદ કરતાં બાકીના તમામ વિલન કાર્ટૂન જેવા લાગે છે. જમીલનું પર્ફોમન્સ વખાણવા લાયક છે. ફરહાદ સામજીના ડાયલોગ ઘણી જગ્યાએ હ્યૂમર માટે છે. ફિલ્મનું મ્યૂઝિક એવરેજ છે પરંતુ સારું છે કે ફિલ્મમાં વધુ ગીતો નથી. એક્શન ડિઝાઈન (અહમદ ખાન) ઈમ્પ્રેસિવ છે પરંતુ કેમેરા વર્ક થોડું નબળું છે.
ફિલ્મ જોવી કે નહીં
ફિલ્મમાં ઘણા શોટ્સ સ્લો મોશનમાં છે, કાન ફાડી નાખતા ધડાકા અને દમદાર એક્શન સીન્સ છે. જોકે, ફિલ્મની નબળી વાર્તા દર્શકોના દિલ પર છાપ છોડવામાં સફળ રહી નથી. જેથી જો તમે ટાઈગર શ્રોફના ડાય હાર્ડ ફેન હો તો જ આ ફિલ્મ જોવા જજો.