દિવસ રાત ફોન સાથે ચિપકી રહેવાની ઘટનાઓ આપણને આપણી આસપાસ લગભગ બધે જ જોવા મળે છે, ક્યારેક આપણે તેનાથી કંટાળી પણ જઇએ છીએ. આ લત તન અને મન માટે ખતરા સમાન પણ બની જાય છે. તેનાથી સમયની બરબાદી પણ થાય છે. જો તમે પણ સ્માર્ટફોન એડિક્શનથી બચવા ઇચ્છતા હો તો આ ઉપાય અજમાવો
એક સમય નક્કી કરો
ઇન્ટરનેટથી દુર રહેવું મુશ્કેલ નહીં લગભગ અશક્ય છે. કેમકે આજે મોટાભાગના કામ ઓનલાઇન કરવા પડે છે કે પછી સંદર્ભ માટે નેટ પર તથ્યો શોધવા પડે છે. જોકે સોશિયલ મિડિયાથી દુર રહેવું શક્ય છે. દરેક મિનિટે વોટ્સએપ, ટ્વિટર કે ફેસબુક પર આવતા નોટિફેકેશન એકાગ્રતા ભંગ કરે છે. તેમાં સમયની પણ બરબાદી થાય છે. તો નોટિફિકેશન ઓફ રાખો અને તેને દિવસમાં બે કે ત્રણ વાર ચેક કરવાનો સમય નક્કી કરી લો.
સુતા પહેલા ફોન દુર રાખો
મોટાભાગના લોકો પોતાનો સ્માર્ટફોન સાથે લઇને સુઇ જાય છે. તેનાથી બેવડુ નુકશાન થાય છે. પહેલો ખતરો રેડિએશનનો છે તો બીજો રાત્રે જ્યારે પણ આંખ ખુલે ત્યારે નોટિફિકેશન કે નવી પોસ્ટ ચેક કરવાની આદતનો છે. આ કારણે વ્યક્તિનો મુડ ઓફ રહે છે. આખો દિવસ થાક જેવું લાગે છે અને મન ચિડચિડિયું બની જાય છે. તેથી મોબાઇલ દુર રાખીને સુવુ બેસ્ટ ઓપ્શન છે.
એડિક્ટીવ એપ્સ હટાવો
મોબાઇલ પર એવી એપ્સ રાખો જે ઉપયોગી હોય. ગેમ્સ, સ્નેપ ચેટ, ઇન્સ્ટાગ્રામ, હાઇક કે અન્ય બીજી એપ વારંવાર વ્યક્તિનું ધ્યાન ભંગ કરે છે. જે એપ તમારું ધ્યાનભંગ કરતી હોય અને સુકુન ન લેવા દેતી હોય તેવી એપને તમારા ફોનમાંથી વિદાય આપો. એમ પણ ઘણી બધી એપ સ્માર્ટફોન પર એક પ્રકારનો બોજ જ છે.
એક સામાન્ય ફોન રાખો
જો તમે ઇચ્છવા છતાં પણ સ્માર્ટફોન સાથે ચિપકી રહેવાની આદતથી દુર ન રહી શકતા હો તો દિવસભરની વાતચીત માટે એક સાદો ફોન રાખો. સ્માર્ટફોનને ફક્ત કેટલીક જરુરિયાત પુરતો મર્યાદિત રાખો. થોડા દિવસ ભલે તકલીફ પડે પછી તમને ઓફલાઇન રહેવાની આદત પડી જશે.