મનોરંજન / 1900 કરોડનાં ખર્ચે બની દુનિયાની સૌથી સફળ ફિલ્મની સિક્વલ, પાણીની અંદર મચાવશે ધમાલ

• રિલીઝ થશે દુનિયાની સૌથી સફળ ફિલ્મનો બીજો ભાગ 
• પાર્ટ-2ને લઈને બનેલો છે સૌથી વધારે બઝ 
• પાણીની અંદર બનાવવામાં આવી છે ફિલ્મ 

હોલીવુડ ફિલ્મોના ફેમસ ડિરેક્ટર જેમ્સ કેમરોનની ફિલ્મ અવતાર: ધ વે ઓફ વોટર આ વર્ષે 16 ડિસેમ્બરે સિનેમાઘરોમાં રિલીઝ થઈ રહી છે. રિલીઝ પહેલા જ આ ફિલ્મને લઈને જબરદસ્ત ચર્ચા ચાલી રહી છે અને તેનું કારણ ફિલ્મ અવતારનો પહેલો ભાગ છે, જે આ મહિનાની 23 તારીખે એકવાર ફરી રિલીઝ થઈ રહ્યો છે. 

આવતા 6 વર્ષમાં રિલીઝ થશે બીજા 3 પાર્ટ 
તમને જણાવી દઈએ કે 2009માં આવેલી બ્લુ વર્લ્ડના લોકોના જીવન પર બનેલી ફિલ્મે બોક્સ ઓફિસ પર ધમાલ મચાવી દીધી હતી. હવે 13 વર્ષ પછી તેની સિક્વલ આવી રહી છે. નિર્માતાઓએ આયોજન કર્યું છે કે ફિલ્મનો બીજો ભાગ રિલીઝ કરતા પહેલા, પ્રથમ ભાગ ફરી એકવાર દર્શકો સામે આવે જેથી તેઓ આ ફિલ્મને રી-કોલ કરી શકે. રિપોર્ટ્સનું માનીએ તો આ મોટા બજેટની ફિલ્મના 3 પાર્ટ આવવાના બાકી છે જે આવતા 6 વર્ષમાં રિલીઝ થશે.

અવતાર 2ની સ્ટારકાસ્ટે શેર કર્યો એક્સપીરિયન્સ
ફિલ્મની લીડ એક્ટ્રેસ સિગોરની વ્હીવરે તાજેતરના એક ઈન્ટરવ્યુમાં ફિલ્મ સાથે જોડાયેલા તેના અનુભવો શેર કર્યા હતા. તેણે કહ્યું કે 10 વર્ષ પહેલા મેં પહેલીવાર આ ફ્રેન્ચાઈઝી સાથે કામ કરવાનું કમિટમેન્ટ આપ્યું હતું. અને આ દરમિયાન કેમેરોને આ ફિલ્મ સાથે જોડાયેલી 4 બીજી વાર્તાઓ તૈયાર કરી. 

આ વખતે પાણીની અંદરની દુનિયાનો અનુભવ ઘણો ખાસ હતો. રિપોર્ટ્સની માનીએ તો 16 ડિસેમ્બરે રિલીઝ થનારી ફિલ્મ અવતાર ધ વે ઓફ વોટરમાં પાણીની અંદરની દુનિયા બતાવવામાં આવશે. કહેવામાં આવી રહ્યું છે કે આ ફિલ્મ લગભગ 1900 કરોડના બજેટમાં બની છે. આ ફિલ્મમાં જોઈ સલ્ડાના, સ્ટીફન લોંગ, કેટ વિન્સલેટ, સેમ વર્થિંગ્ટન, વિન ડીઝલ, ક્લિફ કર્ટિસ લીગેડ અને એડી ફાલ્કો મુખ્ય ભૂમિકામાં છે.

8 વખત ટળી હતી રિલીઝ 
જેમ્સ કેમરૂનના ડાટરેક્શનમાં બનેલી ફિલ્મ અવતાર 2 માટે દર્શકો ઘણા સમયથી રાહ જોઈ રહ્યા હતા. અવતાર 2 આવતા વર્ષે રિલીઝ થવાની ધારણા છે. આ મોસ્ટ અવેટેડ ફિલ્મનું શૂટિંગ પાણીની અંદર કરવામાં આવ્યું છે. આ ફિલ્મનો રિલીઝ ડેટ 8 વખત ટળી હતી અને છેલ્લી ફિલ્મ હવે આ વર્ષે ડિસેમ્બરમાં રિલીઝ થઈ રહી છે. 

આ તારીખોમાં રિલીઝ થશે 4 પાર્ટ 
એટલું જ નહીં તેના આગામી 3જા ભાગની રિલીઝ ડેટ પણ જાહેર કરવામાં આવી છે. મીડિયા રિપોર્ટ્સ અનુસાર, તેનો ત્રીજો ભાગ 20 ડિસેમ્બર 2024ના રોજ રિલીઝ થશે. ચોથો ભાગ 18 ડિસેમ્બર 2026ના રોજ અને પાંચમો ભાગ 5 ડિસેમ્બર 2028ના રોજ રિલીઝ થશે. 

તમને જણાવી દઈએ કે તાજેતરમાં જ નિર્દેશકે ફિલ્મ સાથે જોડાયેલા કેટલાક પડદા પાછળના ફોટા પણ શેર કર્યા હતા. કહેવાય છે કે ફિલ્મના પહેલા ભાગની રિલીઝના અવસરે કેમરૂને કહ્યું હતું કે જો ફિલ્મ હિટ થશે તો તેની સિક્વલ પર કામ કરવામાં આવશે. એવું જ થયું ફિલ્મ હિટ રહી હતી અને હવે તેના પાંચ ભાગ આવી રહ્યા છે.