IPLIN
 

ક્રિકેટ / 6ઠ્ઠી વાર T20 વર્લ્ડ કપ ચેમ્પિયન બન્યું ઓસ્ટ્રેલિયા, ફાઈનલમાં પરાજય છતાં આફ્રિકી ટીમે પણ રચ્યો ઈતિહાસ

Team VTV 09:49 PM, 26 Feb 23 | Updated: 10:14 PM, 26 Feb 23
Follow us
Australia Clinch Record-Extending 6th Women's T20 WC Title

મહિલા ટી20 વર્લ્ડ કપની ફાઈનલમાં ઓસ્ટ્રેલિયાએ સાઉથ આફ્રિકાએ 19 રનથી હરાવીને વર્લ્ડ કપ જીતી લીધો છે.

  • મહિલા T20 વર્લ્ડ કપમાં ઓસ્ટ્રેલિયાનો દબદબો
  • 6ઠ્ઠી વાર T20 વર્લ્ડ કપ ચેમ્પિયન બન્યું 
  • ફાઈનલમાં સાઉથ આફ્રિકાની ટીમને 19 રને આપ્યો પરાજય 
  • પહેલી વાર T20 ચેમ્પિયન બનવાનું આફ્રિકાનું સપનું તૂટ્યું 

પહેલેથી જ મહિલા ક્રિકેટ પર પ્રભુત્વ જમાવી ચૂકેલી મેગ લેનિંગની કેપ્ટન્સી હેઠળની ઓસ્ટ્રેલિયાની ટીમે તેનો વિજયી સિલસિલો જાળવી રાખતાં છઠ્ઠી વખત વિમેન્સ ટી-20 વર્લ્ડ કપનું ટાઈટલ જીત્યું હતુ. કેપટાઉનમાં રમાયેલી ફાઈનલમાં ઓસ્ટ્રેલિયાએ યજમાન સાઉથ આફ્રિકાને તેના હજારો ચાહકોની સામે 19 રનથી હરાવીને તેમને પહેલી વખત વર્લ્ડ ચેમ્પિયન બનતા અટકાવ્યા હતા.સાઉથ આફ્રિકાના કેપટાઉનમાં પહેલા ટોસ જીતીને બેટિંગ કરવા ઉતરેલી ઓસ્ટ્રેલિયાની ટીમે નિર્ધારીત 20 ઓવરમાં 6 વિકેટના નુકશાન પર 156 રન બનાવ્યાં હતા. ઓસ્ટ્રેલિયાની સ્ટાર ઓપનર બેથ મૂનીએ તોફાની ઈનિંગ કરીને 53 બોલમાં અણનમ 74 રન બનાવ્યાં હતા જેમાં 9 ચોગ્ગા અને એક છગ્ગો સામેલ હતો.  જવાબમાં સાઉથ આફ્રિકાની ટીમ 6 વિકેટમાં 137 રન બનાવી શકી હતી આ રીતે 19 રને તેનો પરાજય થયો હતો. 

6ઠ્ઠી વાર ટી20 વર્લ્ડ ચેમ્પિયન બન્યું ઓસ્ટ્રેલિયા

ઓસ્ટ્રેલિયાએ આ છઠ્ઠી વાર ટી20 વર્લ્ડ કપ જીત્યો છે. ટી20 વર્લ્ડ કપમાં ઓસ્ટ્રેલિયાને હવે હરાવવું અશક્ય છે. 

પહેલી વાર ટી20 વર્લ્ડ કપ જીતવાનું આફ્રિકાનું સપનું તુટ્યું
સાઉથ આફ્રિકાની ટીમ તેનો પહેલો ટી20 વર્લ્ડ કપ જીતવા મેદાનમાં ઉતરી હતી જોકે ઓસ્ટ્રેલિયાએ તેનું આ સપનું તોડી નાખ્યુ હતું અને સતત છઠ્ઠી વાર ટી20 વર્લ્ડ કપ ઘરભેગો કર્યો હતો. ઓસ્ટ્રેલિયા સામે પરાજય છતાં પણ સાઉથ આફ્રિકાની ટીમે ટી20 વર્લ્ડ કપની ફાઈનલમાં પહેલી વાર પહોંચીને એક રેકોર્ડ પણ કર્યો હતો. 

સાઉથ આફ્રિકાએ ઈંગ્લેન્ડને હરાવીને પહેલી વાર ફાઈનલમાં સ્થાન મેળવ્યું 
સાઉથ આફ્રિકાએ ઈંગ્લેન્ડને હરાવીને પહેલી વાર ફાઈનલમાં સ્થાન મેળવ્યું હતું તો ઓસ્ટ્રેલિયાએ સેમિફાઈનલમાં ભારતને પાંચ રન હરાવ્યું હતું.

ઓસ્ટ્રેલિયાની ટીમને  ટ્રોફી સાથે મળ્યાં  8.27 કરોડ 
આઈસીસી મહિલા ટી-20 વર્લ્ડ કપ જીત્યા બાદ ઓસ્ટ્રેલિયાની ટીમને  ટ્રોફી અને 8.27 કરોડ રૂપિયાની રકમ ઈનામ તરીકે આપવામાં આવી હતી. 

દક્ષિણ આફ્રિકાને 4.13 કરોડ રૂપિયાની રકમ મળી
ઓસ્ટ્રેલિયા ઉપરાંત ફાઇનલ મેચ હારીને આ ટૂર્નામેન્ટમાં રનર્સ અપ રહેનાર દક્ષિણ આફ્રિકાને 4.13 કરોડ રૂપિયાની રકમ મળી છે. આ બંને ટીમો ઉપરાંત સેમીફાઈનલમાં પહોંચેલી ભારતીય ટીમ અને ઈંગ્લેન્ડની ટીમને 1.73 કરોડ રૂપિયાની રકમ મળી છે.

બેથ મૂની વધુ એક વાર બની ટી-20ની રાણી 
ઓસ્ટ્રેલિયાની સ્ટાર ઓપનર બેથ મૂની ટી-20 વર્લ્ડકપની ફાઇનલ મેચમાં ફરી એકવાર શહેનશાહ તરીકે ઉભરી આવી છે.  મોટી ટૂર્નામેન્ટની ફાઇનલમાં તેણે ફરી એકવાર મોટી ઇનિંગ રમી હતી. ફાઈનલ મેચમાં મૂનીએ 53 બોલમાં 9 ચોગ્ગા અને 1 છગ્ગાની મદદથી ઝંઝાવાતી 74 રન બનાવ્યા હતા. મૂનીની મેચ વિનિંગ ઈનિંગને કારણે ઓસ્ટ્રેલિયાની ટીમ છઠ્ઠી વખત ટી-20 વર્લ્ડ કપ જીતવામાં સફળ રહી હતી.

Women's T20 WC Title AUS vs SA Women's T20 World Cup Final
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ