નિયમ / ઓગસ્ટથી નંબર પ્લેટને લઇને બદલાવ, જાણો શું છે મામલો

ઓગસ્ટથી હાઇ સિક્યોરકિટી નંબર પ્લેટ વગર તમારા વાહનોનું રજિસ્ટ્રેશન થશે નહીં. રસ્તા પરિવહન મંત્રાલય વાહનોના રજિસ્ટ્રેશન વાળા સોફ્ટવેરને અપડેટ કરી રહ્યું છે. આ સોફ્ટવેર આ મહિનાના અંત સુધીમાં અપડેટ થઇ જશે. ઓગસ્ટથી સોફ્ટવેર સામાન્ય નંબર પ્લેટ વાળા વાહનોનું રજિસ્ટ્રેશન સ્વિકાર કરશે નહીં. 
 
એક અધિકારીએ જણાવ્યું કે મંત્રાલય તમામ વાહનો માટે 1 એપ્રિલ 2019થી એચએસઆરપી લાગૂ કરી ચુક્યુ છે. એનાથી સંબંધિત નોટિફિકેશન જારી થયાના 3 મહિના થઇ ગયા છે. તેમ છતાં ઘણા આરટીઓ સામાન્ય નંબર પ્લેટની સાથે નવા વાહનોનું રજિસ્ટ્રેશન કરી રહ્યા હતા. એને જોતા મંત્રાલયે આ નિર્ણય કર્યો છે. અધિકારીએ જણાવ્યું કે રસ્તા પરિવહન મંત્રાલયે વાહનોની ચોરી અને વાહનોનો દુરુપયોગ પર અંકુશ માટે નવા વાહનો માટે એચએસઆરપીને ફરજીયાત કર્યું છે. 

હાઇ સિક્યોરિટી નંબર પ્લેટ શું છે?
આ એક નવા પ્રકારની નંબર પ્લેટ છે જે તમારી સુરક્ષા અને સુવિધાને ધ્યાનમાં રાખીને બનાવવામાં આવી છે. આ પ્લેટ એલ્યુમીનિયમની બનેલી છે અને એની પર એક હોલોગ્રામ પણ પણ છે, જેની પર ચક્ર બનેલું હશે. 

આ હોલોગ્રામ એક સ્ટીકર હશે જેની પર વાહનના એન્જીન અને ચેસિસ નંબર લખેલા હોય છે. સૌથી સારી વાત એ છે કે હોલોગ્રામ જલ્દી નષ્ટ થઇ શકે નહીં. 

આ ઉપરાંત આ પ્લેટ પર 7 અંકોનો એક યૂનીક લેઝર કોડ પણ હશે જે દરેક વાહનના નંબર પ્લેટ પર અલગ અલગ હશે. 

સૌથી ખાસ વાત એ છે કે આ નંબર પ્લેટ પર તમારો રજિસ્ટ્રેશન નંબર હોય છે. જેને સરળતાથી હટાવી અથવા નિકાળી શકાય નહીં, કારણ કે આ નંબર પેન્ટ કરીને અથવા કોઇ સ્ટીકર લખેલો હશે નથી. 

નંબરની પ્લેટ પર પ્રેશર મશીનથી લખેલું હોય છે. જે નંબર પ્લેટ પર ઉપસેલો દેખાય છે. અમે તમને જણાવી દઇએ કે આ કાર્ય આરટીઓ દ્વારા કરવામાં આવે છે. આ કારણથી જે અંક અને અક્ષર ઉપસાસે એની પર પણ વાદળી રંગનો આઇએનડી જોવા મળશે.