ચૂંટણી / વિધાનસભાની પેટાચૂંટણીમાં આ બે આયાતી ઉમેદવારોને ભાજપની ટિકિટ પાક્કી, બીજાઓએ જોવી પડશે 2022ની રાહ

• 8 વિધાનસભાની પેટાચૂંટણીનો મામલો
• ભાજપમાં 5 કોંગ્રેસી ધારાસભ્યો જોડાયા હતા
• 5માંથી 2ને ટિકિટ મળવાના સંકેત

રાજ્યની 8 વિધાનસભા પેટા ચૂંટણી યોજાશે. ત્યારે ભાજપમાં જોડાયેલા કોંગ્રેસના 2 MLAને ટીકીટ મળવાના સંકેત છે. કોંગ્રેસના 5 પૂર્વ MLAમાંથી માત્ર 2 ને જ ટીકીટ મળવાના સંકેત છે

 જીતુ ચૌધરી, અક્ષય પટેલ અથવા બ્રિજેશ મેરજાને ટીકીટની વિચારણા કરવામાં આવી રહી છે. પેટા ચૂંટણી લડવાની શરત સાથે ધારાસભ્યો ભાજપમાં જોડાયા હતા. જીતુ ચૌધરી કપરાડાને વિધાનસભાથી ચૂંટણી લડાવાના સંકેત છે. જ્યારે અક્ષય પટેલને ટીકીટ મળશે તો કરજણથી ચૂંટણી લડશે.

ઉપરાંત બ્રિજેશ મેરજાને ટીકીટ મળશે તો મોરબીથી ચૂંટણી લડશે. અન્ય કોંગ્રેસના પૂર્વ ધારાસભ્ય 2022માં ચૂંટણી લડે તેવી સંભાવના છે. પ્રદ્યુમનસિંહ, જે.વી કાકાડીયાને 2022માં ચૂંટણી લડાવાઈ તેવી શક્યતા છે.

કોણ કોણ જોડાયુ છે ભાજપમાં

• કરજણનાં પૂર્વ MLA અક્ષય પટેલે ભાજપનો ખેસ ધારણ કર્યો 
• મોરબીના પૂર્વ MLA બ્રિજેશ મેરજાએ ભાજપનો ખેસ ધારણ કર્યો  
• અબડાસાના પ્રદ્યુમનસિંહ જાડેજાએ ભાજપનો ખેસ ધારણ કર્યો 
• ધારીના પૂર્વ MLA જે.વી.કાકડીયાએ ભાજપનો ખેસ ધારણ કર્યો 
• કપરાડાનાં પૂર્વ MLA જીતુ ચૌધરી ભાજપનો ખેસ ધારણ કર્યો

આ આઠ બેઠકો માટે છે ચૂંટણી અને કોને જવાબદારી સોંપાઈ ?  

• અબડાસા બેઠક- ભુપેન્દ્રસિંહ ચુડાસમાં, કે.સી.પટેલ
• લીમડી બેઠક- આર.સી.ફળદુ, નીતિન ભરદ્વાજ
• કરજણ બેઠક- પ્રદીપસિંહજાડેજા, શબ્દસરણ બ્રહ્મભટ્ટ
• ડાંગ બેઠક - ગણપત વસાવા, ધારાસભ્ય પુર્ણેશ મોદી
• કપરાડા બેઠક- ઈશ્વર પટેલ, ભરતસિંહ પરમાર
• મોરબી બેઠક- સૌરભ પટેલ, આઈ.કે.જાડેજા
• ગઢડા બેઠક- કુંવરજી બાવળિયા, ગોરધન ઝડફિયા
• ધારી બેઠક- ધર્મેન્દ્રસિંહ જાડેજા,ધનસુખ ભંડેરી