વડોદરા: ગત મોડી રાત્રે વડોદરા શહેરની મકરપુરા GIDCમાં 3 શખ્સોએ દંપતીને આંતરી લઇને લૂંટ ચલાવી હતી. લૂંટી લીધા બાદ મહિલાને મેદાનમાં લઇ જઇ બે શખ્સોએ મહિલા પર દુષ્કર્મ આચર્યું હતું. જો કે આ બનાવમાં પોલીસે 2 શખ્સની ધરપકડ કરી છે જ્યારે ત્રીજા આરોપીની શોધખોળ ચાલી રહી છે.
મળતી માહિતી અનુસાર વડોદરા શહેરના માંજલપુર વિસ્તારમાં ભાડાના મકાનમાં આ કપલ રહેતું હતું. આ દંપતી મકરપુરા જીઆઇડીસીમાં જ આવેલી ગ્લેઝ કંપનીમાં માર્કેટિંગની ટ્રેનિંગ લેવા સાથે નોકરી કરે છે. સોમવારે મોડી રાત્રે દંપતી વડસર બ્રિજ પાસે ઊભેલી સહેલીને લેવા જતા હતા. પરંતુ સહેલીએ ફોન કરીને જણાવ્યું કે મને સાથ મળી ગયો છે. લેવા માટે આવશો નહીં. જેથી યુવાન દંપતિ પરત પોતાના ઘર તરફ આવી રહ્યા હતા.
દંપતિ મકરપુરા જીઆઇડીસી શાકમાર્કેટ પાસે પહોંચ્યા હતા. તે સમયે આશરે 20થી 25 વર્ષના ત્રણ યુવાનો તેઓની પાસે ધસી આવ્યા હતા અને દંપતીને ઘેરી લીધા હતા.