IPLIN
 

બુટલેગર / એક તરફ પોલીસે દારૂની આખી ટ્રક ઝડપી, બીજી બાજુ ASIના ઘરે...

Team VTV 10:03 PM, 04 Jul 19 | Updated: 10:51 PM, 04 Jul 19
Follow us
ASI liquor junagadh amirgadh una gujarat police

ગુજરાતમાં દારૂબંધી છે પરંતુ તે છતા પણ કોઇ જગ્યા પર દારૂના અડ્ડા ચાલતા હોય, દારૂની હેરાફેરી થતી હોય તો પોલીસ દ્વારા રેડ કરીને બંધ કરવામાં આવે છે. ત્યારે અમીરગઢમાં પોલીસે દારૂ ભરેલી આખી ટ્રક ઝડપી પાડી છે. પરંતુ જ્યારે પોલીસના ઘરે જ દારૂ મળી આવે તો? હા, બીજી ઘટનામાં જૂનાગઢની છે જેમાં પોલીસનો બીજો ચેહરો સામે આવે છે.

અમીરગઢઃ દારૂનો જથ્થો સંતાડવાનો બુટલેગરનો નવો નુસખો

ગુજરાતમાં દારૂબંધીનો અમલ છે. ત્યારે ગુજરાતમાં દારૂનો જથ્થો ઘુસાડવાનો પ્રયાસ કરવામાં આવ્યો હતો. જો કે અમીરગઢ પોલીસે આ પ્રયાસને સફળ થવા દીધો ન હતો. ગુજરાતમાં ઘુસાડાતો દારૂનો જથ્થો અમીરગઢ પોલીસે પકડ્યો હતો. અમીરગઢ પોલીસે દારૂ ભરેલી ટ્રક ઝડપી હતી. બુટલેગર દ્વારા ટ્રકમાં બોરીની નીચે દારૂનો જથ્થો સંતાડવામાં આવ્યો હતો. લાખો રૂપિયાના દારૂના જથ્થા સાથે પોલીસે એક શખ્સની અટકાયત કરી હતી.

ઉનામાં 2 મહિલા બુટલેગરના ઘરમાંથી ઝડપાયો દારૂ

તો ઉનામાં 2 મહિલા બુટલેગરના ઘરમાંથી દારૂ ઝડપાયો છે. માખણનાં ડબ્બામાં સંતાડેલો દારૂનો જથ્થો ઝડપાયો છે. ડી સ્ટાફે દરોડા કરીને ઘરમાંથી દારૂનો જથ્થો ઝડપી પાડ્યો છે. ભીમપરા અને ખોડિયારનગર વિસ્તારમાં દરોડા કર્યા હતાં. તપાસ દરમિયાન વિદેશી દારૂના 96 જેટલા ક્વાર્ટર કબ્જે કરવામાં આવ્યા છે. તેમજ હાલ બંન્ને મહિલા બુટલેગરની અટકાયત બાદ કાર્યવાહી હાથધરવામાં આવી છે.

ASIના ઘરેથી ઝડપાયો 21 પેટી દારૂ

બીજી તરફ જૂનાગઢમાં ASIના ઘરેથી 21 પેટી દારૂ ઝડપાયો છે. ASI પૃથ્વીરાજસિંહ વાળાના ઘરેથી વિદેશી દારૂ ઝડપાયો છે. તાલુકા પોલીસે ગઇકાલે 388 પેટી દારૂ ઝડપાયો હતો. આ 388 પેટી દારૂમાંથી 21 પેટી દારૂ ગાયબ થઇ ગયો હતો. આ ગુમ થયેલો વિદેશી દારૂ ASIના ઘરેથી ઝડપાયો છે.

ASI liquor junagadh amirgadh Una Gujarat police ગુજરાત દારૂ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ