કાર્યવાહી / Big News : લખીમપુર હિંસાના આરોપી અને કેન્દ્રીય મંત્રીના પુત્ર આશીષની ધરપકડ, 6 કલાક ચાલી પૂછપરછ

• લખીમપુર હિંસાના આરોપી આશીષ મિશ્રાની ધરપકડ
•  6 કલાક લાંબી પૂછપરછ બાદ પોલીસે કરી કાર્યવાહી
• આશીષ મિશ્રા કેન્દ્રીય મંત્રી અજય મિશ્રાનો પુત્ર 
• લખીમપુરમાં ખેડૂતો પર ગાડી ચડાવવાનો છે આરોપ 

આશીષ મિશ્રા કેન્દ્રીય ગૃહરાજ્યમંત્રી અજય મિશ્રાનો પુત્ર છે અને આશીષ પર લખીમપુરમાં ખેડૂતો પર ગાડી ચડાવીને હત્યા કરવાનો આરોપ છે. પોલીસે પહેલા શુક્રવારે 10 વાગ્યે તેને પૂછપરછ માટે બોલાવ્યો હતો પરંતુ તે આવ્યો નહોતો. પરંતુ ડેડલાઈનની 22 મિનિટ પહેલા તે હાજર થઈ ગયો હતો.  

6 કલાક ચાલી પૂછપરછ
પોલીસે આરોપી આશીષની 6 કલાક લાંબી પૂછપરછના અંતે ધરપકડ કરી હતી. ધરપકડ બાદ પોલીસે આરોપીને કોર્ટમાં રજૂ કર્યો હતો. 

SIT ના આ સવાલનો જવાબ ન આપી શક્યો આશીષ
લખીમપુર હિંસા કેસનો આરોપી આશીષ SIT ના એક સવાલનો જવાબ આપી શક્યો નહોતો. આશીષને જ્યારે પૂછાયું કે 3 ઓક્ટોબરે 2.36 થી 3.30 કલાક સુધી તે ક્યાં હતો તેનો જવાબ તે આપી શક્યો નહોતો. આશીષ મિશ્રાની સામે આઈપીસીની ધારા 147, 148 અને 149 હેઠળ કેસ દાખલ કરાયો છે. 

આશિષ પર લખીમપુરમાં ખેડૂતો પર કાર ચડાવી દેવાનો આરોપ

કેન્દ્રીય મંત્રી અજય મિશ્રાના પુત્ર આશિષ પર  લખીમપુરમાં ખેડૂતો પર કાર ચડાવી દેવાનો આરોપ છે. સૂત્રોના જણાવ્યાનુંસાર યૂપી પોલીસને કેન્દ્રીય મંત્રીના દીકરા આશિષ મિશ્રાની વિરુદ્ધ પુરાવા મળ્યા છે. મનાઈ રહ્યું છ કે આશિષ તે દિવસે ઘટના સ્થળ પર અંકિત દાસની ફાર્ચ્યૂનર કારમાં હાજર હતો.

પોલીસને આશિષ મિશ્રાની હાજરીના પુરાવા મળ્યા છે. જે બાદ સરગર્મીથી આશિષ મિશ્રા અને અંકિત બન્નેની શોધ કરાઈ રહી છે. ત્યારે તિકોનિયા હિંસામાં મુખ્ય આરોપી આશિષ મિશ્રાને શુક્રવારે સવારે 10 વાગે ક્રાઈમ બ્રાન્ચની સામે હાજર નહોતો થયો. પોલીસે ગુરુવારે આશિષના ઘરે ક્રાઈમ બ્રાન્ચે નોટિસ ચોટાડી હતી.મનાઈ રહ્યુ છે કે આશિષ મિશ્રાને પોલીસે ભાગેડુ જાહેર કરી શકે છે. તેની ધરપકડ માટે પોલીસ તેના અડ્ડા પર રેડ પાડતી રહેશે.

વારંવાર લોકેશન બદલી રહ્યો છે આશિષ

સૂત્રોના હવાલાથી સમાચાર મળી રહ્યા છે કે કેન્દ્રીય ગૃહ રાજ્ય મંત્રી અજય મિશ્રાના આરોપી દીકરા આશિષ મિશ્રાનું લોકેશન ભારત - નેપાળ બોર્ડર પર મળ્યું છે. મનાઈ રહ્યું છે નેપાળના ગુરી ફેંટાની આસપાસ તેમની મૂવમેન્ટ સામે આવી છે.  જ્યારે આજે સવારનું લોકેશન ઉત્તરાખંડના બાજપુરાનું છે. લખીમપુર ખીરી પોલીસે નેપાળ અને ઉત્તરાખંડ પોલીસ બન્નેથી સંપર્ક કર્યો છે.  તે વારંવારલોકેસન બદલી રહ્યો છે.